[المبتسم الحزين]

المشاركة الأصلية كتبت بواسطة v.corleoni

السلام عليكم جميعا ::::



عيدكم مبارك أولا :

أنا بصراحه عندي استفسار بس هو استفسار غريب صراحة أو مقارنة بين حاجتين غير بعض لكني محتار بينهم صراحة ... أنا ولله الحمد جايب مجموع محترم في 2 ثانوي وكنت عاوز أروح علمي رياضة لأني كنت حاطط في دماغي إني أجيب بترول لكن الناس كلها ومنهم أهلي وأحدهم مهندس بترول خوفوني من الحكاية دي وأقنعوني إني أدخل علوم ودخلت لكني حتي هذه اللحظة محتار لأني لو كل الناس حاولت تقنعني بالطب البشري أو الصيدلة مش هقتنع فالكلية الوحيدة اللي ممكن أسعي عشان أدخلها هي طب الأسنان بس أنا محتار بينها لأن فيه تهم كتير لأطباء الأسنان بقلة المعرفة الطبية أو إن كل شغلهم خلع وحشو وإنهم ليسوا بمكانة الطبيب البشري أو حتي الصيدلي الاجتماعية ( رغم إني أري غير ذلك )، وإنها شغلة مقرفة فأنا عاوز أعرف هي أحسن ولا الهندسة ؟؟؟ لأني بصراحة خايف أظل مذبذب كدة لآخر السنة !!!!

المشاركة الأصلية كتبت بواسطة v.corleoni

مفاضله غريبه جدا

مفيش أساسا مقارنه بين الأتنين

طب اسنان باذن الله افضل كتير

الحمد لله انا ازهر وكان في مجالي ادخل طب بشري وصيدله وهندسة كمان

بس بعد ما استخرت ربنا واستشرت ناس عندهم خبرة

استريحت لطب اسنان

انت بتقول ليسوا بمكانه الطب البشري والصيدلة !!!!!!!!!!! ؟؟؟؟

انت غريب اوي اوي اوي دة افضل من البشري في نظري

اولا انت متخصص مش زي البشري لسه بعد ما يتخرج لازم يتخصص

وغير كدا أصلا ف طب الأسنان فيه تخصصات وكتيرة وشغلها انضف من البشري يعني مجالها اوسع من أي قسم ف بشري
دة كتير من الناس متعرفوش

وبلاد كتيرة اوي هي تعتبر الكلية القمة الاولي زي ألمانيا وكندا ودة كلام ناس اعرفهم عايشين في كندا

ودة مش تعصب للكلية اللي فيها لاني هو دة وجه نظري من قبل ما أدخل الكلية

دخلتها عن اقتناع والحمد لله

وربنا يوفقك للخير ف النهاية