[المبتسم الحزين]

المشاركة الأصلية كتبت بواسطة v.corleoni

أولا السلام عليكم


ودا اللي أنا شايفه لكن أنا كنت بنقل كلام بعض الناس اللي اتكلموا معايا في الموضوع ،
مش كل حاجه كلام الناس وخلاص !!!!! المهم ذوي الخبرة واللي دخلوا المجالات دي هم اللي تستشيرهم
وحاولوا يقنعوني بتنسيق ما قبل 2007 أو لما كانت الصيدلة أعلي من الاسنان ،،
ازاي يقنعوك ما قبل 2007 واحنا في 2010 وداخلين علي 2011 !!!
المفروض ان الدنيا بتتغير وانك تفكر في المستقبل مش في الماضي !!!!
لكن أنا زيك شايف إنها أفضل وحتي أخويا طبيب بشري ومخلص من زمن واستشرته في الحكاية رد عليا بإن الأسنان هي أفضل كلية موجودة حاليا ،، ودا كان من أسباب دخولي علمي علوم رغم إني مكنتش متخيل من مدة مش بعيدة إني همسك كتاب أحياء في إيدي .

سبب كتابتي للموضوع اني بعد ما مشيت في الدروس علي علمي علوم رجعت احترت تاني وحسيت بخوف من الندم بعد كده ،، وقلت أمش زي ربنا ما قال ""فَاسْأَلُواْ أَهْلَ الذِّكْرِ إِن كُنتُمْ لاَ تَعْلَمُونَ"" وكمان "" وشاورهم في الأمر ""

فحبيت أسمع رأي من هو أكبر لاني مقتنع ان الانسان مش هيسعي لحاجة الا لما يكون مقتنع بيها أو سعيد انه بيسعي لها حتي ان لم يوفق في الوصول ليها ،، لكن كل شئ في ايد ربنا وهو بس اللي يعرف خير الانسان فين "" وعسي أن تكرهوا شيئا وهو خير لكم ""وأنا اتوكلت علي الله بعد استخارته ونويت أكمل في علوم راض بقضائه عز وجل ..

ربنا يوفقك للخير و شد حيلك وان شاء الله هتحب المجال دة مش هتكرهه وهتبقي مقتنع بيه بإذن الله