السلام عليكم
كل عام وانتم بخير
للاسف قرأت ردودكم اليوم فقط وبعدها ندمت فعلا على انى كتبت رسالتى هنا ..... لماذا ؟
انتقلنا من مرحلة العموم الى الخصوص وحكمنا الاهواء والمشاعر والمصالح الشخصية للاسف الشديد
كيف .........
هل كل الادارات فيها التوزيع فاسد كما قال الاخ الفاضل sobhy333 مع احترامى
طبعا لا
ولو تكلمت عن ادارتى مثلا فالاختيار تم عن طريق لجنة من الاقسام والتوجيه ونزيهة جدا وتم مناقشة المتقدمين علنا وتم توزيع الاجهزة فى حفل كبير امام كل الناس .....
----------------
والاخ الكريم D.Ayman Hassan مع احترامى خرج من نطاق العموم الى التحدث عن المعركة الابدية بين المدرس واخصائى التطوير .... مين له الفضل على تعليم الاخر .... ليه كده ... احنا عايزين نكون يد واحدة امام الطرف الثالث ولو فيه خلافات فلا يجب ان تذكر امام هذا الطرف و حضرتك لماذا تناسيت الشق الثانى من موضوعى وهو البعثات انا كان ممكن اقول برده زيك ( دى المدرسين بيطلعوا بعثات وزى ما بيروحوا زى ما بيجوا فقط عايزين البوكيت مانى )
وقولك (ده بخلاف اني اعرف شخصيا مدرسين مواد علموا هؤلاء الاخصائيين) يا اخى الفاضل انت بتتكلم عن عينات من المدرسين تعرفهم اما انا بتكلم عن عموم ولا يمكن فرض الحكم الخاص على العام .... مثلا انا اخصائى تطوير والحمد لله مدرب رخصة دولية مشهور دربت فى ادارتى فقط حتى اليوم 1750 مدرس حصلوا معظمهم على الرخصة بنسب عالية جدا ولى زملاء فى محافظتى افضل منى بكثير فلماذا لم تذكرهم فى حكمك ؟؟؟؟
-------------
اما الاخ mr_moh555555
فهذه ليست شكوى ولكنها راى لان الشكوى تخص المتحدث نفسه وانا لم اقصد نفسى بل قصدت كل زملائى فى المهنة فى مصر كلها .... برده انت خصصت العموم
وقولك و بعدين كل واحد عارف ابواه كل واحد عارف ابوه اللى خلفه لكن لفظ ابنك هنا للاحترام
ثم انا اقدر كل احترام للوزير الحالى وانا بعمل فى ديوان ادارة تعليمية واشاهد التقدم الذى حدث منذ توليه وهو جدير بالاحترام فعلا يا اخى كفايه الملايين اللى وفرها من يوم ما مسك والكتب والمصاريف اللى اتظبطت والروس الكبيرة اللى طارت ... احمدوا ربنا
-------------
للمرة الاخيرة كل واحد مسئول عن اقواله ويحاسب عليها وفيه لفظ اسمه الموضوعية انك تفصل نفسك عن الموضوع حتى لو كنت مظلوم فيه واسلوبنا هذا فى الاعتراض لهدف الاعتراض غلط لاننا مش اعداء احنا فى مركب واحد زى ما قال الاخ المحترم العربى446
وحتى لو انت شايف اخطاء فى اخوك المفروض ما تقولهاش قدام الغريب
هذا ردى مع احترامى لكل من رد
وادعو السادة مشرفى المنتدى المحترم لغلق الموضوع .... كفاية كده