[أحمد كووول]

يا جماعه المريسه دي أرزاق

هوه أي حد ممكن يبقي رئيس

لأ طبعا

المهم إننا نكون حلوين ونسمع الكلام

أوعي تفكر يوم إنك ممكن تختار رئيسك

وتختار ليه

دا هما تاعبين نفسهم علشان يختاروا لنا الرئيس القادم


أكيد علشان ميتعبوش سيادة المواطن

دا حتي لو سيادة المواطن دبت فيه روح الوطنية

وإشرأبت عنقة وانتفخت أوداجه .......... عروق رقبته

وقال متفشخرا : أني رايح أرشح رئيس الجمهورية


لو رشح غلط .......يعني واحد غير المطلوب

بيصلحوا لو الترشيح

لأنهم عارفين مصلحة سيادة المواطن فين

بارك الله فيهم و أكثر من أمثالهم

وممكن يكون في

كيد للوصول للحكم
متفرقش معانا برضه

أدينا عايشين ف أحسن حال

ولو مش عاجبك حالك

علي قد لحافك مد رجليك ..................... دا لو عندك حاف

دا ف مصر مفيش حد بينام من غير عشا


ايوه مستغربش

انت ممكن تنام من غير فطار و غدا


لكن من غير عشا مستحيل


متستهبلش


واتعشي ونام وحط ف بطنك شادر بطيخ


لأن الرئيس القادم لمصر تم اختياره


مبرووووووووووووووووووك عليك يا حضرة المواطن


ولا مش عاجبك



آه صحيح هوه فين دا اللي بيقول رئيس صيني

ايه مفيش ف مصر رجالة ولا ايه

مصر دي أمي

إحم إحم

قصدي

مراة أبويا