[eng/el doktor]

المشاركة الأصلية كتبت بواسطة rimaza

أنا من طلبة الشهادات المعادلة ( السعودية ) وجاتلي كلية حاسبات ومعلومات اسماعلية وليا كام سؤال عايزة اللي يجاوبلي عليهم (( ده بعد اذنكم طبعا ))

س 1 / طبعا اكيد هحول عشان انا من حلوان بس احول لأيه الافضل حلوان ولا القاهرة ولا عين شمس ؟؟؟

س2 / نوعية الدراسة ظروفها ايه ؟؟ يعني المواد واللغة وكلو كلو ؟؟

س 3 / مستقبل الاقسام بتاعت الكلية دي ايه ؟؟ (( لأني بجد مش عارفة اي حااااجة خااااالص معنديش اي فكرة )) ؟؟

س 4 / بالنسبة للفرص الوظيفية في مصر لخريج الحاسبات وضعهم ايه ؟؟ ( من ناحية الشغل والراتب تقريبا وكدة ) ولو برا مصر بردو ياريت اللي يعرف يفيدني ؟؟

س 5 / لو في طالب او طالبة في الكلية دي ياريت ينصحني باي حاااجة لأني بجد محتاجة لأي نصيحة وكل المعلومات ؟؟ (( يعني اعمل ايه - اروح فين اجي منين كدة يعني ))

في النهاية بشكركم كلكم واعتبروني اختكم الصغيرة ومحتااااسة ومش عارفة اعمل ايه بجد

بسم الله الرحمن الرحيم
بصى انا هرد عليكى إن شاء الله لكن ملحوظه
إنتى نص أسئلتك قيمه والنص التانى يدل على التردد والحيره وحاجات كتير ممكن نتكلم فيها بعدين...........
المهم
أنا طالب ف كلية الحاسبات والمعلومات جامعة حلوان
وانا مش من حلوان ولا م القاهره أنا من المنصوره وكنت جايب مجموع الإسماعليه بس فضلت حلوان والحمند لله مندمتش على القرار ده ولا حولت السنه دى لا للمنصوره ولا لعين شمس ولا لاى جامعه تانيه
ليه بقى؟
ببساطه كليتنا دى زى العسل وأكيد بما ان انتى من حلوان عارفه إن الجامعه لذيذه مش معقده ده بصفه عامه
بالنسبه للدراسه مقدرش أقولك إن هى سهله
وطبعا عين شمس أصعب وأصعب بكتير كمان لكن المقياس الوحيد هنا هو الطالب نفسه مش الكليه يعنى حلوان دراستها كويسه جدا وانا ممكن آخد كورسات ف عين شمس وأهتم باللى بدرسه ف حلوان كويس أبقى أحسن من خريج عين شمس مثلا دا غير إن حلوان ليها سمعه كويسه جدا ف سوق العملما عدا ف حاجه واحده
اللى هى اللغه معروف إن معظم طلبة حلوان اللغه بتاعتهم فكسانه بس دى طبعا ف إيدك إنتى حلوان سهل فيها تجيب تقدير لكن لو اعتمدتى على كده هتتصدمى لما تتخرجى لازم تتعبى وتاخدى كورسات من سنه أولى تنمى اللغه بتاعتك وكده
وكمان نظام الساعات المعتمده ده من اهم ميزات حاسبات حلوان و ف النهايه أنت (إنتى ) سيد قرارك
آسف للإطاله