انا فى موقف لا احسد عليه
بصوا بقى ياجماعة انا الموقف اللى موضوعه فيه الان بجد لا احسد عليه
الموقف بقى بصراحة ان فى المكان اللى باخد فيه الدرس بنات وبنين ولما كنت قاعده فى الدرس فى واحدة صحبت صحبتى قالتلها انها ناوية تنتقم من ولد موجود معانا فى الدرس ونوياله على نيه سوده فصحبتى جت قالتلى وبالصدفة الولد اللى نوياله على هذه النية هو ابن زميلت ماما وهو معايا من واحنا فى الحضانة بس مش بكلمه احنا كنا بنتكلم مع بعض واحنا فى الابتدائى على اساس ان ماما مدرسة وعارفة مامته المدرسة اللى معانا فى نفس المدرسة بس لما رحنا الاعدادى مبقناش طبعا نتكلم لاننا رحنا فى مدارس مختلفة وطبعا علشان كبرنا وعرت انى المفروض طبعا انى مكلمش اى واحد علشان دينا وادبنا والحمد لله مبقتش اكلمه بس السنة دى معايا فى الدرس وطبعا مش بنتكلم خالص بس انا عرفت ان فى ناس عايزة تضره ياترى اقوله ولا ايه بس مامته مش مع ماما دلوقتى فى المدرسة وبقلهم كتير ماتكلموش ويمكن كمان نمرتهم ضاعت من بعض لان كل واحده منهم فى مكان غير التانية فياترى لو مكانى هتروحوا تقولوله ان فى ناس عايزة تضره ولا هتسكتوا لحد مايضروه ولا هتعملوا ايه
|