اقتباس:
المشاركة الأصلية كتبت بواسطة Esraa12
أنا اسراء
السنة دي في اولى صيدلة الزقازيق
اخدت النهردة محاضرتين بس للاسف عندي مشاكل مع الانجلش تنصحوني بإيه عشاان اقوي اللغة عندي ؟
|
بصى يا اسراء
انا رايحه اولى بعد اعدادى عين شمس
مشكله الانجلش دى ااسيه غالبا 95 م اللى كانو ف مدراس عربي بيواجهوها
انتى ف الاول هتبقى قاعده مضايقه كده وحاسه انك مش فاهمه حاجه ف اى حاجه وانك جيتى هنا غلط بس اول شهر كده وهتحسى انه عادى انك ماتفهميش مفهاش اى مشكله
لا بجد
بس هو ترم بالكتير اوى اوى اوى وهتتعودى ع الانجلش و هتفهمى عادى ان شاء الله هتبقى اكسبرشن معروفه كلها وبتكرر و الجديده الدكاترة هيقولوا عليها
الدكاترة ف الاول معظمهم(مش كلهم اكيد) بيراعوا الموضوع ده وبيحاولوا يترجمو معظم الحاجات
فانتى حاولى تركزى ف المحاضرة لو هما بيشتغلو م ورق مثلا او كتاب خديه معاكى و حاولى تترجمى ف المحاضرة
ماتعتمديش اوى بردوانك لازم تترجمى كل كلمه وتفهميها
خصوصا ف الاول لانك مش هتلاحقى فحاولى تمشى حالك
غالبا هتحتاجى قاموس لان غالبا مش هتفهمى حاجه وشويه شويه مش هتحتاجيه
حاولى لو تتفقى انتى واصحابك مثلا لو كل واحد يترجم محاضرة ف ماده و تنقولو م بعض
علشان انك تقعدى تترجمى كل كلمه ف محاضرة طويله هياخد وقت كبير وانتى هتزقهى و مش هتلححقى لا تكملى ترجمه و لا تذاكرى
كنا انا واصحابى اتفقنا نعمل كده بس ماحدش عمل حاجه و اتزنقنا ف الاخر زنقه سوده مبقناش عارفين نترجم ولا ننفهم ولا نذاكر ولا نعمل ايه ؟و نتيجه لذلك بقينا نحفظ الكلام واحنا مش فاهمينه وخلاص عشلان ماكنش فيه وقت
ولو تعرفى حد اكبر منك بسنه مثلا و مترجم ممكن تبقى تاخديه الكتب او الملازم دى تنقليى منه الترجمه وحتى تبقى ترجعهالو تانى او لو حد معاكى ف الكليه صاحبك لغات حاولى تساليه ع الحاجات الى مش عرفاها او تنقى معيد او معيده لذيذ كده يكون طيب كده ومايتنرفزش بسرعه و تسأليه
هو بصى بردك
المشكله دى مش هتقابلك ف كل المواد
ياعنى هى بس المواد اللى فيها نظرى ودش كتير زى البوتانى و الزو و الحاجت دى
انما اللان اورجانك مثلا و الفيزيا هتلاقي كلام عادى مفهوم هو بس هيبقى معانى حاجات محدده زى الطول الموجى مثلا والحاجات اللى زى دى
ربنا معاكى ان شاء الله