السلام عليكم ورحمه الله وبركاته
ان شاء الله تعالى موعدنا اليوم مع ماده الفسيولوجي وسنلقى نظره عامه عليها اولا ومن ثم نورد لحضراتكم اولى المحاضرات في هذا الماده في المقال التالى باذن الله اتركم الان مع الفسيولوجي بسم الله
- Physiology
هو علم وظائف الاعضاء شبه الأحياء كده بتاعت الثانوية بس بدون لا اميبا و حشرة ذبابة فاكهة و لا الحاجات دي كلها.
بتدرسها في سنه اولى و بتكملها في سنه تانيه
هنا بنتكلم عن منهج سنه اولى فقط
- بيشرحلك كل جهاز في جسم الانسان بيشتغل ازاي.
- اكتر مادة هتحسسك انك دكتور بجد علشان هتفهم فيها اوي.
- الماده حجمها كبير و معلوماتها كتير .
السيناريو الدراسي
اكبر مادة هتعيشوا فيه و نصيحة هى حلوة و شيقة.... بس و حياتك متغرقش فيها فى مواد تانية مهمة برد هى عليها 250 بس معلش برده تعرف تجيب درجات فيه بإذن الله
المذاكرة المفروض تبقى في الأساس من كتاب القسم الموجود .. لكن ده ميمنعش من الاستعانة بملازم أي دكتور بترتاحله لأنه أحيانا بيكون منظم أكتر . نجى نقسمها بقى
Blood
- هتاخد Blood أول حاجة
- في الاول هيكونوا ماشيين ببطء حاول تقرا معاهم او تزود شوية و متضايقش لو في حاجات مفهمتهاش استنى لاخر الجزء ده هتلاقي الحاجات بتتعاد كتير ..
- يمكن تحس انه صعب شوية ده بس لأنك في الأول .. لكن بعد ما تمشي شوية في المنهج هتحس انه سهل جدا و هتستغرب انك كنت شايفه صعب
nerve & muscle
- و المفاجئة الكبري انك هتفاجئ برده مش هتاخد Blood بس هيفتحوا عليك باب نار جديد nerve & muscle
و اهم جزأ هو حاجة اسمها ACTION POTENTIAL و LOCAL POTENTIAL افهمهم صح فى ال NERVE بعد كده عندك كمان FRANK STARLING LAW على قد ماتقدر افهمه جامد و القوانين التانية فى(muscle)
- أهم حاجة انك تحضر الشرح في الجزء ده مع الدكتور اللي تقدر تفهم منه كويس .. لأن الجزء ده بيعتمد على الفهم في المقام الأول .. و لو مفهمتوش هتحس انه صعب عليك .. لكن لو فهمته كويس هيبقى سهل جدا
Autonomic
- أول م ال Blood يخلص هتفاجئ انهم فتحوا عليك باب و هو ال Autonomic
مع ال
nerve & muscle
و هو جزأ جميل جداً و يعنى الجهاز العصبى الذاتى و سهل هتظبطه بسهوله و مهم جداً انك تبقى عارف اهم جزأ هو الجزأ الأخير بتاع ال receptors فى الأتونوميك و المقارنات..
- المصطلحات فيه هتبقى صعبة في الأول بس بعد كده هتتعود عليها
CVS
- المفاجئة الصارخة هنفتح عليك النار بمفاجئة من العيار الثقيل CVS و احذر منه ال CVS اهم جزأ فى الفسيولوجى مع Blood الإثنين مهمين جداً
- CVS" cardiovascular" يعنى الجهاز الدورى " قلب و اوعية دموية" يهمك قوي انك تعرف التفاصيل الدقيقة ( فاهم يعني ايه دقيقة) طبعا مش هيخلص في الترم الأول بس على حسب متخلصوا منوا هيدخل في امتحان الترم
- ممكن وانت بتستعد لإمتحان نصف السنة تفاجأ ان الكلية مستمرة محضرات بالرغم من أنه هيبقى فاضل 3 ايام على امتحان لانهم هيدخلوا في منهج التيرم التاني قبل امتحانات التيرم الاول .... عادي جدا
ومكن يدوكوا الاسبوع اللي قبل الامتحانات على طول أجازة
Respiration
- اللي هو الجهاز التنفسي ظريف و نوعا ما قصير بس محتاج يتفهم واهم حاجة النقل بتاع الغازات و ال surfactant و الكرفات وحاجات كدة هم هيركزوا عليها كتير
- ملحوظة:- Respiration
مش معنى إنه إتاخد فى الآخر يعنى مش مهم ده مهم جداً( مفيش حاجة مش مهمة).. و انت ممكن تلاقيهم بدأوا فيه من الترم الأول اصلا
- ===biophysics ===
- زبطه من اى مذكرة فى المكاتب لو د. عبد الحميد موجودة حلو
- كتاب القسم بتاعها برضو حلو و ظريف
بتبقى محاضرة في الاسبوع لحد متخلص
- هتلاقيها مليانة معادلات و اثباتات الكلام ده كلة مش بيجي، بيجي بس الحاجات اللي ليها علاقة بمنهج الفسيولوجي نفسه
- ===biostaticts===
- احسن لك ظبطها مع المحاضرتين بتوعهم وسهل جداً هم 6 أو 7 ورقات هتحفظهم حيجيلك سؤال ب 3-4 درجات essay ودمتم.. مضمونين
- بينزلولها ورق في اوسكار مش احصا زي ثانوي هي كلها مميزات و عيوب شوية حاجات كدة كلمتين و بس
الأدوات
- غالبا مش هتحتاج تشتريلة حاجة بتاخد كل حاجة في السكشن
- ممكن تشتري جهاز ضغط و سماعة من المحلات اللي برة
- يوم سكشن الضغط هم هيدوك اجهزة بس لو عاوز تجرب كتير براحتك علشان تتعود في البيت و على اصحابك جيبلك واحد
- ولازم تتعود انك تسمع بالسماعات اللي ب 10 جنية لان دي هي اللي موجودة في القسم و هتمتحن عليها..
الكتب
هنذاكر منين؟؟
المذاكرة من كتاب القسم مهمة جدا ... متستهترش بيه
- في كتاب mcq القسم بينزله مهم جدا برضو و هتلاقي فيه اسئلة essay كمان بعد اغلب البرانشات
المنهج - chapters
- Blood
- Autonomic nervous system
- nerve & muscles.
- respiratory system.
- cardiovascular system, CVS.
- biophysics & bio statics.
- امتحان العملي:
- بيبقى في اخر شهر 4 تقريبا
- بيعملوا قبله مراجعة للعملي ركز فيها جدا لانهم هيقولولك النقط اللي بيعلقوا عليها في الامتحان والثغرات اللي بتقع فيها ..
- بتدخل فيه عند دكتور بيخليك تعمل تجربة معينة قصادة و يسال حاجات معينة في كل تجربة بتتعمل ليه مثلا او تتعمل ازاي او ايه استخدامات دي حاجات كدة يعني
- في دكاترة كتير بيحبوا يخشوا على النظري اللي مرتبط بالجزء ده
مثلا لو بتقيس الضغط يبقى يسالك ايه العوامل اللي بتاثر عليه و ازاي نعملة regulation وحاجات كدة من النظري اللي ليه علاقة بضغط الد
او مثلا بتحسب كمية الهيموجلوبين يبقى هيخش معاك في انواع الانيميا و اسبابا و الهيموجلوبين بيتكون من ايه و ايه وظيفته وكدة برضو
المذاكرة
اهم حاجة في الفيسيولوجي الفهم.
وانتك تشوف الحاجات بنفسك زي الفلاشات والانيميشن والفديوهات
مينفعش تحفط حاجة مش فاهمها لأنك ثقة مش هتعرف تفتكرها في الامتحان.
يبقى اكيد لازم تحضر المحاضرات..
وكل مهتخلصوا برانش او نص برانش على حسب حجمة هيتعملوه توتوريال في السكاشن بيدخل معيد و يشرح لكوا اهم اجزاء فيه تاني و بتحلوا اسئلة علية ساعتها احسن فرصةانك تسال على اي حاجة مش فاهمها
مهم جدا تذاكر الحاجة اكتر من مرة وتراجعها اكتر من مرة
بلاش تراكم عليك حاجات كتير لان الفسولوجي كبير و كروتة مش هتريحك نفسيا اقراه اول باول ورا الدكاترة هتلاقيه بقى احسن كتير
ملزمة الامتحانات بيجي منها اسئلة كتير اخر السنة ..الامتحانات بتتكرر تاني تقريبا مهم تبقى معاك الملزمة وتبدأ تحلها من نص السنة كده
الملزمة بتاخدها من الاسر ..اسر كتير بتعملها
هتمتحنوا كدا كذا مرة .. في السكاشن وفي نص السنة واخر السنة
- مصدر المذاكرة عشان الامتحان ده اولا كتاب الشرح بتاع القسم وبعده حل كتاب الMCQ بتاع القسم .. لو خلصت مذاكرة من كتاب الشرح و ملحقتش تحل ال MCQ مش مشكلة ..هتحل كويس بردو ان شاء الله
- لو لقيت نفسك اتزنقت ومش لاحق تخلص كتاب الشرح في جزئية معينة احفظ ال MCQ بتاعها
بس ... احم ... متتوقعش ساعتها انك تجيب درجة ترضيك فيها ..
- ميزة مذاكرة ال MCQ انك محتاج تكون بس عارف الحاجات مش لازم تحفظ كل حاجة مجرد القراية ممكن تساعدك .. بس قراية بتركيز
- المذاكرة لامتحانات التحريري
متفكرش و تشغل بالك هعرف أكتب و لا لأ فى آخر السنة، هتكتب بس المهم تذاكر كويس والاهم انك تفهم و شوف اسألة من أول السنة
الامتحانات
- امتحانات مفاجئة في السكشن طول السنة و امتحان على النظري بتاع العملي في شهر 10 او 11 وبعدين امتحان نص السنة وبعدين امتحان تاني على نظري العملي بعدين العملي ثم التحريري فالشفوي
البحث
- اول مرة يطبق كان على دفعة سنة 2009-2010
- كل طلاب room في السكشن بيتقسموا 3 مجاميع وبيتوزع عليهم 3 مواضيع
- البحث بيتقدم على ورق مكتوب بخط الايد وفي بريزنتيشن بالباوربوينت
توزيع الدرجات و الإمتحانات
250درجة
- 25 درجه شفوي علي لجنتين كل لجنة 25 درجه وبعدين بيتجمعو ويتقسمو علي 2
- 135 امتحان اخر السنة
- 80 written 10 منهم للبيوفيزيكس و الاحصا
- 55 MCQ
- 40 درجة امتحان اعمال سنةMCQ او true.false أو أكمل
- 30 عملي واللي هو شبه الشفوي لانك بتعمل التجربة "على البلود أو الcvs " قدام الدكتور و هو بيقعد يسالك اسئلة
- 10 درجات اعمال سنة على 2 QUIZESكل واحد 5 درجات وكل واحد في تيرم في سيكشن و بيكون على العملي
- 5 درجات على الحضور بتاع السكاشن
- 5 درجات للامتحانات المفاجاة اللي في السكاشن
- الامتياز من 212.5
- جيد جدا من 187.5
- جيد من 162.5
- مقبول150
- النجاح أكتر من 150
وبهذ نكون قد انتهينا من القاء نظره عامه على ماده الفسيولوجي وانتظروا ان شاء الله اول 3 محاضرات في الفسيولوجي
عنhomeosatsis او الحفاظ على البيئة الداخلية
measurement of body fluid او قياس كمية سوائل الجسم و cell membrane او غشاء الخلية
عن ال blood او الدم
هذا وما كان من توفيق فمن الله وما كان من ذلل او خطأ او نسيان فمني ومن الشيطان والسلام عليكم ورحمه الله وبركاته
__________________
((كلا ان معي ربي سيهدين))
|