اقتباس:
|
معلش مخدتش بالى انك كتبتها
|
ولا يهمك .. ربنا معاكى ان شاء الله
اقتباس:
|
يا جماعة انا كل ما ادوس على الفرقة التالتة مجموعة د يطلعلى مجموعة ج حد يشوف ما الجدول بتاع 3د
|
معلش حصل تداخل بين جدول مجموعة (د) و (ج) .. اتحلت خلاص
اقتباس:
|
انت تعرف حد من بتوع مجموعه د ( اصل دي مجموعتي )
|
والله ماكدبش عليك .. علاقاتى فى مجموعة (د) فى الكلية كلها مقتصرة لحد سنة تالته
سنة اولى وتانية للاسف ماعرفش حد فى (د) غيرك :D
فى ال مجموعات التانية بيـس :D
اقتباس:
|
تحسين الشاذلي قالنا ان هو هيظبطلنا المنهج اصله بيدي كمبيوتر
|
المادة سهلة وايزى ومايتخافش منها نهائى اصلا .. اقل درجة المفروض تجيبها هى 16 وانت طالع
بس المشكلة فى الدكتور ذات نفسه .. امتحانه بيبقى نظام السهل الممتنع
اللى هوا يجيبلك حاجات انت عارفها بس مش عارفها .. تقولى ازاااااى
اقولك مثلا .. البرجراف الفلانى بيتكون من عنوان وكام سطر تحتيه
انتا طبيعى وبديهى جدا انك تذاكر الكام سطر وتفكك من العنوان
لا هوا بقى تلاقيه بيجيبلك العنوان .. بحيث انك تبقى قاعد فى الامتحان بتشد فى شعرك
تبقى بتقول نفسك ايوا انا عارف السؤال دا .. والله العظيم عارفه .. بس مش فااااكر
دا مجرد مثال بسيط يعنى
مثال تاني في حاجة فى المادة دى اسمها Flow Charts .. اللى هيا خرايط التدفق
الجزئية دى اصلا بتدرِّس فى حاسبات ومعلومات
هيا اه رخمة وخنيقة .. وفيه مسائل عايزة الحرق .. لانها معتمدة على الفهم والاستنتاج وعايزة تركيز
فانتا تقوم مذاكر الصعب كله .. وهوا يقوم جايبلك اسهل بروبليم قابلتك فى المنهج كله
بحيث انك برده تبقى بتشد فى شعرك .. فامن الاخر ذاكرله كل صغيرة وكبيرة وماتهملش معاه
اقتباس:
|
واحمد الصباغ انا شايف انو ماشي لحد الوقت كويس
|
هايشلك بعد كدا .. هايقوم جايلك اللاب توب بتاعه وحاطه وموصله بالبروجيكتور
وابقى قابلنى لو فهمت حاجة من وشه .. عليك وعلى ورق الدروس بقى