[ميراج]

انهارده عايزه اتكلم عن موضوع يعنى من وجهه نظرى مهم
هحكى حكايه كده حصلت معايه بس اوعوا تناموا
فى يوم كده كنت راجعه من الجامعه انا وواحده صحبتى وراكبين الموصلات وكان اليوم ده زحمه
اصله كان يوم خميس
والحمدلله انا وصحبتى كنا قعدين وكان فى كام راجل كده واقفين فى الطرقه وبنت واحده
شويه ولقيت البنت بتقول للراجل اللى واقف جمبها لو سمحت
ادخل شويه عشان اعرف اقف قام رد عليه قالها
هوه انا جيت جمبك قالتلوه انا بقولك مش عارفه اقف ادخل شويه
قعد يضحك للأسف واللى لحظته عليه ان تصرفاته غريبه يعنى
وانا اسفه
انى هقول كده انسان غير محترم بالمره!!!
لأن جمبه مكان فاضى وواقف لازق فيها!!!
يعنى بدل ما حد يقوم ويقعدها واقف عمال يضايق فيها
هقول ايه حسبى الله ونعم الوكيل
فقمت قولت لصحبتى تناديها تقعد جمبنا
يعنى انا وصحبتى والبنت فعدين على كرسيين!!!
اول ما قعدت جمبنا بردوا الراجل قعد يضحك
واسفه فى الكلام قعد يهبهب بشويه كلام كده
معرفش ماله!!!!!!!!!!
معايه ولا نمتوا؟!؟!
شويه كده وواحده طلعت ركبت ومعاها ما شاء الله 3 اطفال
قامت واحده ست خدت منها الولد وقعدته جمبها
وانا وصحبتى خدنا منها البنوته تقعد جمبنا
اقصد فوقينا بقا!!!
والام فضلت واقفه فى الطرقه وشايله الطفل
ولكن اين الشباب؟!؟؟!!
واين النخوه؟!؟!
لما ست زى دى تفضل واقفه فى الموصلات ومفيش حد يتحرك ويقوم من مكانه عشان تقعد
ده يبقا ايه؟!؟
محدش يقولى وايه اللى خلاها تركب لما مفيش مكان يعنى ست ومعاها 3 اطفال
وواقفه مش لاقيه موصلات والجوحر
غصب عنها هتركب عشان تروح حتى لوهتقف
كمان فى حاجه حصلت معلش اصله كان يوم غريب
شويه بردوا لقينا راجل كبير فى السن بيوقف السواق عشان يركب
وكان معاه شنطه كبيره قام التباع بعد ما الراجل ركب قاله انزل
انت عايز تقطع عيشى!!!!!!!!!
الشنطه اللى هتحطهالى فى الطرقه دى يقف مكانها نفرين!!!!!
والراجل لا حول ولا قوه الا بالله
يقوله يا بنى انا واقف بقالى كتير مش لاقى موصلات
بردوا التباع يقوله انزل!!
لقيت الراجل بيقولى خلى الشنطه معاكى يا بنتى لحد ما انزل
مقدرتش طبعا اتكلم واخدتها منه
يعنى التباع بيفكر فى قطع العيش ومفكرش فى الراجل الكبير ولا تعبه وواقفته
للأسف كل واحد بيقول يلا نفسى ربنا يرحمنا
كده انتوا معايه ولا شكلكوا نمتوا؟!؟!
كده بقا مين قاعد على الكرسيين؟!؟!؟
انا وصحبتى والبنت اللى ضايقها الراجل والبنوته الصغيره
والشنطه اللى الراجل ادهانى!!!!!!!
منظر يهلك من الضحك والله العظيم
وان فى حد يتحرك من الشباب ابدا والله
مع ان العربيه كان معظمها شباب والله
ولكن لا حياه لمن تنادى!!!!!
بس اد ايه كنت فرحانه لما رحمت البنت من نظرات الراجل الغريبه ليها!!!
ولما خففت عن الام واخدت منها بنتها ولما كسبت دعوتين حلوين اوى
من الراجل الكبير لما خليت معايه الشنطه
هذا ما حدث معى والله فى يوم واحد
ومواصله واحده
اللى عايزه اقوله بقا
ياترى انت كشاب لما تلاقى بنت واقفه فى الموصله هتقوم وتقعدها؟!؟!؟
مش شرط بنت راجل كبير فى السن او ست كبيره فى السن هتقوم وتقعدهم؟!؟!
ولا هتكبر دماغك وتقول انا راجع تعبان من الشغل او من الجامعه؟!؟؟!
اسفه على الاطاله بس كان لازم احكى بالتفصيل