فى ناس كتير بتكابر وبتحاول تتخيل ان المهنج حلو ولذيذ بالرغم انه منهج عقيم ومش مترابط ومختصر جدا وللاسف الامتحانات هاتكون سهله جدا جدا وهاتبقى مساله مباشره وصح وغلط واكمل الجمل ومش هايكون فى اى اسئله محتاجه تفكير
انا حاسس انى بدرس منهج رابعه ابتدائى منهج اولى وتانيه ممتع وفى تفاعل مع الطلاب غير منهج تالته
المصيبه ان فى نشره بحذف دروس كتير من منهج اولى وتانيه زاى درس الماء وتنوع الكائنات الحيه والانعكاس الكلى والزاويه الحرجه وحاجات تانى كتير ياعنى المقصود تفريغ المنهج من محتواه ونخلى مادة العلوم معلومات عامه مش اكتر واى حد ممكن يدرسها رغم ان منهج الدراسات الجديد صعب والرياضه صعبه جدا والعربى طويل اوى مش عارف خبراء العلوم مالهم
الواحد محتاج منهج مفيد يخلى الطالب يفكر ويتاسس علشان فى ثانوى مايحولش ادبى ويهرب من المواد العلميه لانه طان بيدرس معلومات تافهه الحقيقه دكتور يسرى الجمل عمل تطوير حقيقى وخلى الماده ليها قيمه والطلاب تهتم بيها جدا لكن فى عهد احمد زكى بدر هايحصل تطييييييييييييير للمنهج وتفريغ من محتواه ويحولها لماده بلا قيمه والدليل شوف الاسئلة اللى ورا الدروس مافيهاش اى حاجه تافهه جدا وكام سؤال اكمل ومصطلح علمى وهو ده امتحان اخر السنه
ياعنى ندرس كل المواد دى فى الكليه علشان لما نشتغل ندرس منهج تافه وعلى فكره الكتاب الجديد اتحذف منه دروس كتير قبل الطبع وكان بصراحه هايبقى منهج محترم جدا جدا بس صدر اوامر بحذف دروس كامله وعندى اسماء الدروس قبل التعديل ممكن ابقى اكتبهالكم
|