[نونا المصرية]

اولا احب اشكرك عالموضوع ده ثانيا انت فعلا عندك حق المنتدى مبقاش اسلوبه راقى يليق بكوننا طلبة ومتعلمين ومثقفين وفعلا فى موضوعات كتير تافهة وللاسف عاملة مشاركات كتير اوى وبعض المواضيع اسلوبها سئ للغاية حتى وانك تشعر انك فى خناقة فى الشارع مش بتتكلم مع طلبة ثانوية عامة وبصراحة اكتر موضوع خنقنى فى المنتدى هو موضوع شلة بنات وبس من غير ما حد يزعل الموضوع فكرته جميلة جدا ان البنات تتعرف على بعضها ويبقى فيه حب بين البنات لكن للاسف الموضوع اتحول لمشاجرة بين الاولاد والبنات وناس زعلت وكادت انها تكون خناقة بجد بس العيب مش من المشرفين العيب فينا احنا احنا اصحاب المنتدى احنا نقدر نخليه راقى ومهذب ونقدر بردو نخليه ينهار وميبقاش مفيد بالمرة ياريت فعلا كلنا نحاول نتجنب المواضيع التافهة ونحط شئ مفيد مش بنقول اننا منهزرش او تبقى المواضيع كلها علمية بس ياريت الاسلوب يكون حضارى ولائق بينا كشباب مصر