اقتباس:
المشاركة الأصلية كتبت بواسطة ananoo
السلام عليكم ورحمة الله وبركاته
بصراحة ما شاء الله عليك انك قدرت توصل للمرحلة دي وانت لسة في ثانوي وده هيبقى حاجة كويسة جدا ليك بعد ما تتخرج ان شاء الله وهيسهل دراستك في الكلية جدا ان شاء الله
بالنسبة لحكاية انك تخش كلية حاسبات ومعلومات فالكلية اصلا مش ميولك تماما لانك زي ما بتقول غاوي تصميم وجرافك وده مجال تاني خالص غير المجال اللي بتديه كلية حاسبات ومعلومات
اعتقد كلية فنون تطبقية فيها قسم جرافك هوة اللي بتهتم بالمجال ده بس انت اتاكد من الموضوع
بس حاسبات معلومات ملهاش علاقة خالص بالتصميم المواقع او الديسين هية بتدي اساس الكمبيوتر واساس السوفت وير مش ازاي اشتغل على سوقت وير
وربنا معاك ان شاء الله بس شد حيلك السنة دي اوي عشان تخش الكلية اللي انت عاوزها وانت مستريح
|
الله يخليك يا ريس وشكراً ليك علي ردك
طيب بس ياريت توضحلي نقطة معينه
لو الكلية مفيهاش تصميم وجرافيك او ويب ديزين او كده
اللي بيتخرجوا منها بيشتغلوا ايه في شركات الكمبيوتر وغيره ؟!
يعني اصل انا فهمت انها بتدي اسس البرمجة وما اعتقدش ان دي حاجه مهمة للشركات عموماً او شركات الدعاية والاعلان ؟!
وكمان في ناس قالتلي انهم بياخدوا دورات في الكمبيوتر تانيه بجانب الكلية
زي مثلاُ دورة المالتي ميديا >> ودي الشهادة بتاعتها
وبيقولوا انها بتساعدهم في الشغل وكده ..
وشكراُ ليك مرة تانيه