[الفضالى]

المشاركة الأصلية كتبت بواسطة ghada farid

ياجماعه هو فى ايه انتوا مش بتفكروا الا فى ازاى تشرحوا الدرس ومبتفكروش ليه فى مخنا اللى هنج من صعوبة المناهج فى السنين اللى فاتت شوفوا بقيه المناهج بتاعتنا تلات تربع منهجنا من ثانوى اتقوا الله بقى
وبعدين ازاى منهج العلوم السنه دى نظرى وخلاص يعنى ايه الكلام ده
وليه مخصصين نظركم فى الوقت اللى يخلص فيه المنهج انتوا عاوزين المنهج طويل عشان تكتر فترة الشرح وبالتالى يكتر زمن الدرس على مدار السنه وبقيه الكلام اخجل انى اقوله
عيب عليكم
المفروض تتعاطفوا معانا مش تروحوا تقدموا للوزير شكاوى بان المنهج قصير
اتقوا الله بقى
ويعنى ايه منهجنا متكرر اه انا معاكم ان الموضوعات واحده ولكن كل سنه بتكون بتوسع اكبر
اقروا كويس وافهموا الاول انتوا بتشرحوا ايه قبل ما تحكموا على المناهج
كفايه اللى عملتوه فينا مشينا ورى الدروس الخصوصيه اخدنا ايه
والله حلال فيكم الوزير ده
اهوه بيقول شويه شويه وهيلغى الدروس دى خالص
ربنا يوفقنا بعيد عنكم
بدل ما تفرحولنا بانه جه منهج سهل وسط المناهج الصبه دى
ربنا ينتقم من اللى كان السبب فى حيرتنا دى

الابنة غادة
اولا هذا ليس باسلوب تخاطبين به مدرسينك
فانتى لا تستطيعى ان تقولى لوالدكى ما قولتيه
ثانيا يا غادة الاعتراض ليس هدفه دروس او غيره
هو انتى اللى يهمك تنجحى وخلاص؟
الموضوع اكبر من كدة يابنتى
تهمبش المادة العلمية ده كارثة على البلد
ولو سالتى عن اعداد طلاب ثانوى اللى بيدخلو علمى تتفاجئى
فما الفائدة من دراسة مناهج عقيمة
بعيدة عن الابداع ومواكبة التطور السريع فى العالم
مثلا انتى تستفسدى اية من
نظريات لتفسير نشاة الكون مر عليها قرون وقد اثبت العلم خطاها
تقدرى تجاوبى؟