هندسة البترول موجودة فى أكثر من مكان فى الكلية
بترول السويس - بترول القاهرة - بترول الأزهر
زائد طبعًا بعض الجامعات الخاصة زى البريطانية
الأحسن طبعًا البريطانية لأنك بتاخد كذا شهادة
لكن الفروقات مش كتير
عدد المهندسين قليل جدًا
زائد الكلية صعبة جدًا ماديًا و نفساويًا
وخصوصًا أول سنة إعدادى
أعلى فسم حفر و ده بيشتغل فى البترول بشكل أساسى و بيسافر بره بسهولة
و دول الناس اللى ما شاء الله الفلوس بتجيلهم
تانى قسم معادن و دول غالبًا فى حديد عز و المعادن التانية و المرتبات حلوة برضه بس مش بافترى أوى
و فيه قسم جيلوجيا و قسم كمان
لكن هل الشغل فى بترول متوقف على دول بس لأ طبعًا
فى قسم خاص فى اسكندرية علوم جيولوجيا بفلوس طبعًا
و بيقبل علمى علوم و رياضة و بيدخلك وش فى مجال البترول
( طبعًا كنت فاكر إن بترول شغل خاص بعلمى رياضة بس ههههه )
فيه قسم خاص بفلوس برضه فى بترول السويس بس معرفش عنه تفاصيل
و حسب علمى فى كورس فى الجامعة الأمريكية 6 شهور بمبلغ طبعًا
تاخده زائد سنة خبرة و بقيت مهندس قد الدنيا فى البترول هههههه ( هنا الشغل بيموت فى أى شهادة فيها ريحة أمريكا ، و ليهم حق )
امممممم ممكن فيه طريقة كمان معهد سنتين و تجيب امتياز و تدخل بترول السويس أو هندسة القاهرة و بعدها قسم بترول
=========================
الدراسة فى بترول أول سنة بالذات صعبة جدًا جدًا خصوصًا الكل بيتنافس عشان قسم حفر
=========================
شركات البترول كأى شركة بتحتاج كل التخصصات خصوصًا كل ما هو باور و كل ما هو اتصالات
و اتصالات مرتبها ضارب فى العالى برضه بس بدون فرص أكيدة غالبًا هنقعد على القهوة - إن شاء هدخل اتصالات- ابقى حصلنى
)
=========================
الفكرة الأساسية فى بترول فرص العمل و الدراسة العملية
و المرتب المحترم و البرستيج العالى طبعًا ( كان جايب مجموع عالى )
=========================
كونك عايز دافع أحب أقولك شوف ندوة كده عن الامتحانات على موقع أسامة عز
تقدر تبحث عنها لو غلبت ابقى اسأل و احطهالك فى مشاركة
=========================
بالنسبة للآلة الحاسبة لو أنت واخد إحصاء هتلاقى استخدامات الإحصاء كلها و هى موجودة فى آلتك عادى
لكن بقيت الفوائد مش مهم بقى عشان مش معاك الآلة
=========================
اللى قالك ميكا باور و كهربا باور أحسن من بترول ما يعرفش حاجة
البترول هو من أكثر الأقسام اللى بتحس إنك مهندس بمعنى الكلمة
برستيج محصلش - مش هتحط فى دماغك فلوس بعد كده إن شاء الله - فكر عالى - تكنولوجيا عالية ( فى الشغل طبعًا )
=======================
للمعلومية كان قدامى أدخلها أكثر من مرة
بل إنى اتقبلت الأول فيها و حولت قبل ما أدرس فيها كلمة
لأسباب كتير معظمها شخصية
مش هتفرق معاك إن شاء الله
======================
أى حد من بترول هو أدرى منى و يقدر يعدل على كلامى أو يزود عليه
======================