[جارةالوادى]

انا متفهمة جدا جدا لقلقك لانى انا كمان كنت واقعة فى نفس المشكلة وبدور عالموضوع كتير جدا بس للاسف لايوجد نقل من محافظة لاخرى خصوصا فى التربية والتعليم لان التعاقد جاء لسد العجز فى هذه المحافظة ازاى يعنى يسيبوه لمحافظة تانية وان كان فيه ثغرة لده بس دى عايزة واسطة جامدة جدا توصلك للمحافظ يوافق انه يستغنى عن خدماتك فى محافظته وتاخدى منه الجواب بقى وتحتاجى لواسطة جامدة جدا جدا فى المحافظة التانية توصلك للمحافظ وبعدين وكيل الوزارة عشان يلاقو لك مكان بس دى ثغرة انا سمعت عنها كدة يعنى كمان ممكن متكونش بجد لان تنفيذها عايز حد واصل اوى اوى
عارفة انا زميلتى اخدت شهر بدون مرتب من المديرية وجددته بس احنا تعاقد 2005 يعنى اسهل شوية انما انتى اقل رد هيردوه عليكى داانتى لسة بتاعة امبارح وعايزة تتنقلى او عايزة اجازة
ومش عارفة بقى حكاية وقف العقد لمدة سنة دى ممكن ترجعى فى خلالها شغلك اللى ممكن يعدوكى فى شئون العاملين فى الادارة عندكم شغالة ولالاء لانها فى ادارتنا كانت شغالة لوقت قريب جدا وكانت بتتعمل بطريقة ودية
يعنى الموضوع كله فى ايد المديرية التعليمية والمحافظ هو ده الناس الصح اللى تقدرى تسالى عندهم ولو انى حاسة انك متاكدة من الاجابة