يا جماعه كلمه ان فيه حياه ليس معناها حياه بشر
فيه بكتريا وفطريات وفيروسات وكل الكائنات الاوليه
والكلام ده اتقال من علماء الفضاء زي الدكتور مصطفي حجي في لقاءه امبارح
وان كباحث في الميكروبيولوجي باكد نفس الكلام
حياه ليس معناها انها للبشر حياه لحجات تانيه
اما وجود المياه ع المريخ فده
مش معناها ان الميه هنستخدمها
ولكن عشان كوكب الارض وكوكب المريخ لهم صفات مشتركه
فعندنا معلومات عن الارض اي ان كوكب الارض معلوم
وكوكب المريخ زي كوكب الارض لكن كوكب المريخ فيه المياه جافه في اعماق تربه المريخ
فوجود الميه في المريخ قد يعطي صوره مستقبليه عن الارض لو حصل جفاف ومن هنا
تيجي اهميه الدراسات
لاننا لو عرفنا صفات المريخ ممكن نتعرف ع صفات الارض المستقبليه مع التغير المناخي
طبعا الابحاث دي في ناحيه
ومصر في ناحيه تانيه
واكيد كلنا عارفين قدر مصر في المواضيع دي
اعتقد ان مكان مصر ينحصر في مجله مكي ورجل المستحيل وملف المستقبل
مش عشان الامكانيات البشريه ولكن بسبب الامكانيات الماديه وعدم وجود تمويل للابحاث
فليكو انكو تتخيلو
ان الباحث او العالم
بياخد 200 جنيه لو اتعين
ومعاشه 50 جنيه
وبالرغم من كده اغلبيه الابحاث مش بتتعمل علي نفقه الدوله
ولكنها بتتعمل علي نفقه الباحثيين
|