أنا لم أقل بأنه لا يوجد فائدة !!
كل ما قلته ان البلد حكومة وشعب مليانين
أخطاء .
واحنا محتاجين نعترف بالأخطاء دي وننظر لها
بجدية واهتمام ونقدر هذه الأخطاء ونعطيها حجمها الطبيعي
عشان نقدر نعدلها ونصححها .
انما نهون من الأخطاء ونقلل منها ونقول مصر بخير ومصر أم
الدنيا ..... وحالنا بيقول عكس كده تماماً , يبقي عمرنا ما حنقدر
نصلح شيء في البلد ولا في نفسنا .
وعلي فكرة ده سبب رئيسي في اللي وصل ليه حالنا اليوم
لحد ما وصلنا لنقطة من أين يبدأ الاصلاح ؟؟
يعني يبدأ من الحكومة ولا الشعب ؟؟
احنا في طريقنا إلي وضع لغز " البيضة الأول ولا الفرخة ؟"
حضرب لك مثال
لو فيه طالب بياخد السنة في تلاتة وهو شايف نفسه طالب كويس
تفتكر ده ممكن ينصلح حاله طول ما هو شايف نفسه كويس ؟؟
لكن لو اعترف انه طالب فاشل ولكنه يريد أن يحسن من مستواه
مش يبقي ده أول طريق للاصلاح ؟؟
كان نفسي الشعب المصري يلتف حول بعضه من أجل شيء يعم
علي البلد كلها بخلاف كرة القدم .
أكيد المنتخب المصري عمل انجاز وحاجة كويسة جداً , لكن ايه العائد
اللي عاد علي الشعب في حياته ؟؟
مش عايزين نحقق مقولة ولاد الكلب " الاسرائيليين " والتي تقول :
"لو عايز الشعب المصري يتكيف : فطره فول وغديه كورة وعشيه بأم كلثوم "
نفسي تبقي مصر متقدمة أو علي الأقل بتتقدم في مجالات الزراعة , الصناعة
التجارة , العلم , التخطيط للمستقبل , ...... .
نفسي يبقي فيه منتجات مصرية عالمية يفتخر بها أي مصري سواء داخل
مصر أو خارجها .
نفسي أشوف اسم مصر بيتردد في العالم بهيبة واحترام مستحق ومن
الغير مصري قبل المصري .
ليس هدفي هو اليأس ..... لا أبداً ...... انما أخشي أن نظل كما نحن
فيأتي اليأس إلينا رغماً عنا !!
|