لو عايز تعلق شماعة الفشل اللى الشباب فيه واليأس وعدم الالتزام فأنت ممكن تعلقها على الشعب اللى بيتكلم ويصدق نفسه
يفضل يقول انا فاشل مش لاقى شغل لحد ما يحصل كده بجد
فعلاً الشغل متوافر في البلد ومش لاقي ناس تشتغل !!!
حد في الدنيا يقول ان واحد يقعد يدرس في هندسة أو أي كلية أخري
وفي الأخر عايزاه يروح يدور علي شغل لما يحفي وان لاقي حيبقي في الفاعل أو سواق
أو يستلف ويجيب توك توك مثلاً يشتغل عليه ؟!!
هو ده تقدير البلد للعلم ؟!!!
ويا تري البنات هنا في مصر بتشتغل ازاي ؟!! بتفوقها ونبوغها علي الشاب ؟!! وليه البنات
المحجبة حجاب شرعي مش طرحة والسلام , ليه مش مرغوب فيهم في معظم الأعمال ؟!!
انتي وغيرك من البنات اللي بتقول نفس الكلام , لو تقدم لك شاب خريج كلية وبيشتغل سواق أو علي توك توك أو بيشتغل مندوب أو بيغسل صحون هنا بدل ميسافر يغسلها بره أو بيسرح بجرايد هنا في مصر , يا تري حتوافقي عليه ؟!! ياتري أهلك حيرحبوا بيه ؟!! حتتغاضوا عن الشقة والشبكة والمهر والعزال والمؤخر ؟!!
حال البلد بيرد علي سؤالي من نفسه , ضياع الشباب وعنوسة الفتيات !!
علماء النفس دول كانوا عايشين في مصر ؟!!
لو عاشوا فيها كانوا كتبوا نظريات وأراء تانية خالص !!
وبكرر تاني , كلام أي واحد لسه مسئول من أبوه وأمه ولم يتحمل المسئولية
بيكون كلام سهل وأحلام وردية , لكن بعد التخرج بفترة بيكتشف انه كان يوهم
نفسه بأشياء لا تمت للواقع بأية صلة !!
|