[Mr. Ali 1]

المشاركة الأصلية كتبت بواسطة محبة اللغة

]لو عايز تعلق شماعة الفشل اللى الشباب فيه واليأس وعدم الالتزام فأنت ممكن تعلقها على الشعب اللى بيتكلم ويصدق نفسه

يفضل يقول انا فاشل مش لاقى شغل لحد ما يحصل كده بجد


فعلاً الشغل متوافر في البلد ومش لاقي ناس تشتغل !!!

والله الشغل كتير واحنا اللى بنبص تحت رجلينا

موجود فين بالظبط ؟؟؟ يمكن انا عايش في
بلد تانية . يا ريت تعرفيني الشغل كتير في مجالات ايه بالتحديد !!

حد في الدنيا يقول ان واحد يقعد يدرس في هندسة أو أي كلية أخري

مين اللى قال بتوع هندسة مش بيشتغلوا الشركات كتير جدا بس زى ما قلتلك لازم تعمل اللى عليك ولو عندك خبرة ومهارة الكل هيجرى عليك

والله انا لى صديقات بنات كانوا عايزين يطلعوا مهندسات عارف ليه علشان يشتغلوا فى شركات ويحسوا بقيمه عملهم
وانهم مش مجرد شغل للفلوس وبس خصوصا ان هندسة لها مستقبل اى شركة تتمناك

انا قلت أو أي كلية تانية , ليه ما علقتيش علي الكليات الأخري ؟!!
وانا اعرف خريجين هندسة وبلا عمل , وأعرف خريجين طب كتير اوي وبيشتغلوا مندوبين !!!
واعرف خريجين كليات تانية لا يعملون ولا يجدون أي عمل !!

وفي الأخر عايزاه يروح يدور علي شغل لما يحفي وان لاقي حيبقي في الفاعل أو سواق
أو يستلف ويجيب توك توك مثلاً يشتغل عليه ؟!!
هو ده تقدير البلد للعلم ؟!!!


مين اللى قال ان البلد مش بتقد رالعلم وما بتسمعش عن اوائل الجمهورية ورحلات باريس

واللى بيشوفه من ترفيه ليه علشان عملوا اللى عليهم

ويا تري البنات هنا في مصر بتشتغل ازاي ؟!! بتفوقها ونبوغها علي الشاب ؟!!







طبعا


بنبوغها وادبها طبعا امال بايه تانى

لأ مش بنبوغها ولا أدبها , ولما تتخرجي حتعرفي !!


وليه البنات
المحجبة حجاب شرعي مش طرحة والسلام , ليه مش مرغوب فيهم في معظم الأعمال ؟!!



مين اللى قالك كده اللى انت بتسمعه ده او بتشوفه بيكون فى البلاد اللى بره اللى بدور على حاجات تانية ومش عايزة ادب واخلاق

هى دى البلاد اللى عجباكم لكن انا اعرف ناس كتير محترمة وبتشتغل ومحجبة شرعى كمان والله
وبنات تانية أكتر محجبات وعلي خلق ولا تستطيع أن تجد أي عمل !!
وبنات تانية واقفة تبيع في محلات وهي معاها
مؤهل عالي , بلاش بقي جملة الشغل مش عيب , انا هنا بتكلم عن طبيعة عمل يتناسب مع شهادتي ويدر عليا دخل يكفيني !!


انتي وغيرك من البنات اللي بتقول نفس الكلام , لو تقدم لك شاب خريج كلية وبيشتغل سواق أو علي توك توك أو بيشتغل مندوب أو بيغسل صحون هنا بدل ميسافر يغسلها بره أو بيسرح بجرايد هنا في مصر , يا تري حتوافقي عليه ؟!! ياتري أهلك حيرحبوا بيه ؟!! حتتغاضوا عن الشقة والشبكة والمهر والعزال والمؤخر ؟!!


صحيح انا لسه بدرى ع الموضوع ده لكن والله ومن غير نفاق فى كلامى
انا حدثت معى نقاش مع ابى واختى الكبيرة

لانهم كانوا بيتكلموا فى الموضوع ده والله نصا
انا قلتله لو كل بنت ما تفكرش بغباء المهر والشبكة والفلوس والعفش

وفلانه جابت انا لازم اجيب
وكل واحد يبص لحال التانى مصر هتكون افضل من كده ومش هتكون فى عنوسة العنوسة دى سببها ايه

كل بنت بتبص للتانية ومش راضية بحالها وعايزة نموذج على مزاجها

انا هتكلم عن قريب لى والله لو تعرف اتجوز بسهولة ازاى بس علشان فكر صح وبدون التكاليف اللى بتقول عليها دى وكان حتى لسه فى جامعة بس فى اخر سنه بس عارف ليه لان البنت اللى اتجوزها مشش غبية

وقفت جانبه وبدأوا حياتهم صح

ويلى بتقول انتى واللى زيك

انا قلتها مرة لابى فى كلامى الاخلاق بتكون اهم من المال وطالما عارف ربنا وملتزم بيه

هنبدأ حياتنا من الصفر ونكمل احنا بايدنا ومش هنعوز معاونة من حد

صحيح قليل من البنات اللى بيفكر كده انا معاك بس صدقنى
ما الواحد لما يحب يتجوز لما يروح لواحدة متبرجة اساسا ربنا مش راضى عنه فبالطبيعى مش هيوفقه فى الجواز

لكن لو بيراعى ربنا ومختار واحدة عرفاه وعارفه دينها صح وان الرسول قال ايه لما البنت يتقدملها شاب تختار لدينه واخلاقه وعلمه وبعد كده المال لان الانسان اللى بيخلق المال مش المال اللى بيصنعه


حال الشباب اللى بيشتكى ده هو اللى عايز يتصلح لانه محتاج يفهم نفسه وكل اللى حوليه يبطل يخرج من جانب المظلوم وبي


اكيد مش هتكون فى مشاكل

هو ده حال الزواج الأن أم لا؟!!
وبعدين لما تضربي مثل بواحد أو اثنين , تبقي دي حالات شاذة ولا يعتد بها . انا تكلمت علي العموم والغالب .
وكمان مش كل المحجبات أو حتي المنتقبات بتبص للشاب
بمنظور الدين والأخلاق والباقي مش مهم !!
لا الغالبية منهن نفس الشيء , يهمها المركز الوظيفي , الشقة , الدخل , الشبكة , العزال , وخلافه .
وكون ان والدك لم يعلق علي كلامك , لا يعني موافقته عليه ,
انما السبب انتي ذكرتيه وهو انك لازلت أمامك عدة سنوات !!



حال البلد بيرد علي سؤالي من نفسه , ضياع الشباب وعنوسة الفتيات !!
علماء النفس دول كانوا عايشين في مصر ؟!!
لو عاشوا فيها كانوا كتبوا نظريات وأراء تانية خالص !!
وبكرر تاني , كلام أي واحد لسه مسئول من أبوه وأمه ولم يتحمل المسئولية
بيكون كلام سهل وأحلام وردية , لكن بعد التخرج بفترة بيكتشف انه كان يوهم
نفسه بأشياء لا تمت للواقع بأية صلة !!

يمكن اقولك عندك حق فى ده وطالما الواحد بيكون مش متحمل المسئولية بيكون الكلام سهل

لكن كل واحد مننا عنده مسئولياته ولازم يكون ادها وبعدين باذن الله لما انزل لمجال العمل وربنا يوفقنى يا رب

وقتها هيكون رايى نفس الراى لانى عاهدت ربنا انى اراعى ربنا وضميرى فى عملى

ومن يتق الله يجعل له مخرجا ويرزقه من حيث لا يحتسب


صدقنى المشكلة كمان ان معظم الشباب بعيد اوى عن ربه بعيد اوى ومعتقداته بقت غريبة جدا وفاكر نفسه صح
للاسف [/quote]

الشباب بعيد عن ربنا كلام سليم , ولكن أيضاً الدول
الأجنبية المتقدمة شبابها بعيد تماماً عن ربنا , ولكنهم أخذوا بالأسباب , بينما نحن لم نأخذ بالأسباب ولا حتي متمسكين بتعاليم الدين !!
بصي علي كل الأجهزة اللي عندك أو عند أي انسان , فين المسلم أو المصري أو العربي فيها ؟!!
الكمبيوتر والانترنت اللي احنا بنتواصل من خلاله ,
أين المسلم أو المصري أو العربي منه ؟؟ مستخدم فقط !!!!
انتقاد مصر " اللي هي الحكومة والشعب " لا يعني
كره البلد , وانما يعني كره الأوضاع السيئة
الموجودة في البلد !!
يا ريت الرد يكون حاجة تانية غير " كل واحد يبدأ بنفسه " لأن الكلام ده مجرد كلام لو فكرنا شوية فيه حنلاقيه غير واقعي !!!
الكلام ده ينفع في الجنة والنار , فكل واحد مسئول
عما يفعله أو يقوله , أما في حياة المجتمعات فإن الانسان يتعامل ويتفاعل مع المجتمع كله أو بعض منه , ولا يستطيع أن ينفصل بنفسه تماماً عن هذا المجتمع !!!!!