اقتباس:
المشاركة الأصلية كتبت بواسطة samir meabed
السلام عليكم ابو عمرو
وحشتنا قلنا نسأل عليك و دى فائدة المنتدى الاحباب ان غاب حبيب نسال و بعدين انت انشغلت زينا فى المدرسة و ما بعد المدرسة و حرق الدم ناس راحت و ناس جت و هذا يتكلم عنك و الاخر يذم فيك و الكل فى صراع من اجل لقمة العيش بس هتكون اللقمة مش حلوة لانها على حساب الكرامة و المبادئ يخيل لى ان هذة الصفة موجودة بين ضعيفى الايمان و بعض حديثى التخرج (تصور فى الاجازة كان معى كتاب الصف الثالث قبل اى احد فى مدينتتا و اعطيتة لكل المدرسين حتى فى المدرارس الاخرى و افجا بمدرس من تلاميذى يطلب طلب غريب يقول بلاش تعطى الكتاب لفلان زميلة فى المدرسة من سنة انا حزنت ان هذا الابن هيبدا حياتة بمحاربة زميلة و اخوة فى الدين و واحد اخر اعطيتة مذكراتى و قلت لة لو ليك بعض الملاحظات اتى يقول لى ان كلمة(renewable)ناقصة حرف(e) يار يت تكون قلوبنا صافية مع بعضنا الكل سوف يأكل و يشبع و هيزيد منة و اهم شى القناعـــة مش كثرة الفلوس
اللهم بارك لنا فيما رزقتنا و قنا عذاب النار)
اسف للخطبة الطويلة بس حبيت ادردش مع من نحب و النهاردة اجازة 6 اكتوبر و الواحد فاضى كام ساعة
|
ايه الكلام الجميل دا يا عم الكل
وحشتونى كلكم
وبمناسبة الخطبة الجميلة نتذكر قول الله تعالى ( و فى السماء رزقكم و ما توعدون . فورب السماء و الارض إنه لحق مثلما انكم تنطقون )
الرزق قادم لا محاله من عند الله لا بالصراع و الجرى و الاساءة لبعضنا البعض.
سلامى و شكرى لاستاذى سعيد عامر لاتصاله الكريم