[مدرسة الانجلش]

المشاركة الأصلية كتبت بواسطة جارةالوادى

حلوة حالة ملل دى
المنتدى بقى ممل فعلا بقاله فترة مش قليلة
نفس الوعود والتصريحات والاوهام اللى بنعيش نفسنا فيها ساعات بصدق نفسى واستنى فعلا التثبيت بس ارجع اقول لنفسى فوقى وانتى يعنى احسن من مين ماكل الدولة شغالة بعقود وساكتين وراضيين صحيح ممكن تكون مرتباتهم واوضاعهم احسن مننا شوية او كتير زى االبنوك والضرائب والتامينات وشركات قطاع الاعمال والبريد والاتصالات وغيرهم بس دى هيئات استثمارية احنا بقى شغالين فى ارخص حاجة فى مصر تعليم البشر وطبعا لان الانسان فى مصر هو اقل حاجة لازم يبقى ده حالنا
انا دخلت المنتدى وكنت متحمسة وكلى نشاط وحيوية انى معاكم هنقدر نعمل حاجة ونغير من واقعنا بس للاسف الواقع هزمنى فى اول جولة وبالضربة القاضية كمان عشان كدة اوقات كتير بحس انى بدخل هنا تادية واجب يمكن اقول حاجة تضحك حد يمكن ادعى دعوة جميلة يمكن حد يستفيد منى فى معلومة يمكن خبرة حياتية او موقف مريت بيه اشارككم معايا فيه انما عشان انا معلم مساعد والكلام ده لاء عشان كرهت الكلمة دى ومليت من احساس انى ولاحاجة فى وزارة انا فيها ممكن اكون من احسن وانضف مكوناتها
ليه بس بتقلبى عليا المواجع كنتى خلتينى ساكتة احسن

والله كلامك قلب عليا المواجع