جزاك الله خيرا
بس انا ليا تعليق اضافى اسمحلى اقوله
ان الصلاة دى شئ مفروض على الانسان .. سواءا هوا رضى بيه او مارضيش
يعنى حتى لو انت مش طايق الصلاة ومخنوق وزهقان .. تقوم تصلى عشان هيا مفروضة عليك وهاتتحاسب عليها
يعنى انا افتكر ان فى مرة كنت فى الجامعة وقاعد مع واحد صاحبى واذان الظهر اذَّن وانا قاعد
فاقولتله يالا نقوم نصلى .. قالى لا ياعم انا مش متوضى .. ولسه هاقلع الكوتش ووجع دماغ
قولتله وفيها ايه مانا كمان مش متوضى وهاقلع الكوتش وهاخش اتوضى ..
دانتا هاتاخد ثواب ع الوضوء وع الصلاة كمان
قالى لا ياعم هابقى اصلى فى البيت احسن ..
قولتله على فكرة اوعى تكون فاكر ان الصلاة اللى انت بتصليها دى انت كدا بتمن على ربنا
ولا بتعمل حاجة بمزاجك بقى وتقول يالا اهو انا صليتلك يارب اهو .. وفقنى بقى
لاء طبعا .. الصلاة مفروضة عليك غصب عنك وعنى وعن أى حد
انت مش حاسس بقيمتها دلوقتى لان حسابها مؤجل ليوم الحساب ..
لانك لو سيبت فرض واحد واتعاقبت عليه وقتى بانك تتلسع بالنار مش هاتسيب فرض تانى بعد كدا
ربنا يهدى الجميع ويهدينا احنا كمان
|