اقتباس:
المشاركة الأصلية كتبت بواسطة mr_moh555555
انت غلطان ازاي يطلبوا الشرطة ليك
الحل في الفاكس ...ابعت فاكس للوزير او الوزارة و اجمع كام توقيع
و اشرح فيه الوضع
و احتفظ بكعب الفاكس
|
تصدق بالله
لوعديت عد الفاكسات والشكاوى اللى استقبلتها مدينة طنطا ومدينة القاهرة من العبد لله منذ أكثر من ربع قرن منذ عملى فى هذا المجال هايجيلك ذهول والكل حوالين مشكلة واحدة
28عام -- لفيت مدارس الإدارة مدرسة مدرسة
لسد العجز -- نقل تعسفى -- عقاب بلاسبب -- 3شهور حتى تعود الزميلة من أجازة الوضع
وكل خطاب نقل يأتينى كان يكتب عليه بالخط العريض لصالح العمل
وبعد سنه وحيده رجعونى لنفس المدرسه اللى نقلونى منها بحجة صالح العمل
فى أول حياتى كان الخطاب يكتب عليه لأنه الأحدث
ومنذ عام نقلونى لمدرسه فى أخر بلاد المسلمين بحجة مساعدة إدارة المدرسة لأنى قديم وكفء
يعنى منقول منقول
أنا خايف أطلع على المعاش يستدعونى لسد العجز فى مدرسة فى جزز القمر
وكل هذا التاريخ من الشحططه ولم يخطأوا مرة ويجيبوا لى جواب مره لمدرسة بلدنا
لوشرفتنى بالزيارة هتلاقى على حائط حجرة الجلوس برواز50×50 هل تعلم مابه ؟؟؟
رد وحيد على شكوى فى 28عام من وكيل وزارة وكانت سيده فاضلة
هى دى التربية والتعليم بصورتها الحقيقية وهذه إدارة قطور لمن لايعرفها
تلامذتى دخلوا مدرسة بلدنا وأنا لسه بسد العجز فى مدارس الناس !!!!!!!!!
الله يكرمك لما تدخل إدارتكم تانى ياريت تعد أفراد الامن والبودى جارد فيها
وشكر لحضراتكم