[msh200]

انــا قريت الردود كلهــا 4 صفحـــأت وكلــها على فكره جميله
فــي بعض الردود قالوا فيها ان البلد باظت و فســدت والكلام ده ........ صح مصر فسدت من زمان و محدش يقدر ينكر ولا يقول لا ........ بس أنا برده شايف ان المعاكســه دي ملهاش دعوه بمجتمــع أو طبقه أو دوله يعني هيه ظاهره عامه وأنا لمــا رحت السعوديه شفت ظاهرة المعــاكسه دي منتشرة جــدا برغم ان كـــــــل البنات إلي في السعوديه محجبات و منتقبات ...... يعني خلينا نقول انها مش متعلقه بمصر بــس ...... و بعدين مصر بقت كل حاجه فيها مشتكره ,... دروس مشتــركه و مدارس مشتــركه و نوادي مشــتركه طبعا و كل حاجه مشــتركه ما عادا طبعـــا (W.C.) (يعني الحمامت :D ) إلي في المطاعم او في الأماكن العامه هيه الحاجه الوحيده إلي مش مشـــتركه ولون بقت فيه دورات مياه مشـــتركه ...... على العموم سبونا من الحمامات عشــان الموضوع بقت رحته وحشه .... المهم ان المصريين مش عــارفين يعني يهربوا من المعاكسه ... على عكس دوله زي السعوديه (ودي إلي انا كنت فيها ) كل حــاجه فيها منفصله و على طول جماعات الأمر بالمعروف و النهي عن المنكر موجود في كل مول ممكن يبقى فيه بعض الإشتراك (ورغم كده في معاكســه)
خلـــونا بقى تاني حاجه نقول ان احنــا بقينــا بنحب المظاهر عامــة وحاجه تلقائيه إن ظــاهرة المعاكســه دي تسعد البعض لإن دي اكبــر دليل إن المظــهر تمام
امـا بقى عن أصل الموضوع إن البنــات بقوا هما إلي بيعــاكسوا الولاد فدي طبعــا بقت ظاهره منتشــره و دي راجعة اســاسا و ظهرت لإن ظهر ولاد مبيعاكســوش ودا انا أعتقد ان هو السبـــب الرئيسـي لإن الولاد إلي بيتعـــاكسم هما غالبــا الولاد إلي مبيعاكســوش :P (أنــا شايف كده يعني )
و عــن قبول بقى ظاهرة المعــاكسه دي فإحنــا طبعا بننقســــم إلى قسمـــين :
الأول شـــايفه انها حاجه عــاديه و ظاهره عاديه و حاجه طبيعيه عشــان المجتمع بقى كده وبقى كله بيقوم عالمظاهر و انهم ميقدروش يمنعوها (مع العلم انهم بيكونوا متدينين و مثقفين )
و التــاني شايف ان إلي بيعاكسوا دول ناس عندهــم بعض النقوص : نقص أخلاق - نقص دين - نقص ثقافه (غالبــا) - نقض الثقه بالنفــس ... والإتجاه ده بقى بيطلق على إلي بيعـــاكسوا و الي بيسمحوا ان هما يتاعكســـوا لفــظة انا مش موافقهم عليها وبلاش اققلهــا عشان محدش يزعل. :D
وكــل واحد بقى له أسبابه ووجهة نظره
بـــــــس ياترى بقى إيــه هو سبب المعاكســه الولاد ولا البنــات أو بشكل أخر إلي بيعاكسوا ولا إلي بيتــعاكسوا ؟
فــي ناس شايفــه إن البنــات هما السبب الرئيسي عشــا ن اللبس أو طريقة الكلام أو المشيه او الضحك بطريقه مستفزه وغيرها عوامل كتير بيجي على رأسها طبعا اللبس ....... بس مش لازم يكون شرط أساسي لإن فيه محجبات حجاب صحيح ومنتقبات بيتعاكسوا
و الرأي دا طبعا مــش صح وانا مش موافق عليــه لإن البنــات لو كــانوا لبســهم مش تمام هيتعاكسوا .... ولو كانوا محجبات هيتعاكســوا لو عملوا اي حركه لو ضحكوا أي ضحكــه ..... ولو حتى مشيوا لوحدهم في الشارع وبكل إحترام ( لإن للأســف انا شفت واحده ماشيه في حالها و محترمه جدا و معملتش حاجه ..... برده ولاد عادوا من جنبــها وقالولها: هما قالولك متبصيش شمال ولا يمــين يهيهيهيهيهيههاهاهيهي ... ودي طبعا ممبقتش معاكسه بقت تقليــس وتريقه ) يعني البنات مش هما السبب
طــب تعالوا نشوف الولاد ..... انتم السبب أكيد بقى يا مان منك له ...... معتقدش إن ده صح طبعــا .... الولاد شايفين البنات قدامهم في كل حته في البيت عالتلفزيــون لو إتخنقت وطلعـــت البلكونه هتلاقيهم في وشك في البلكونــه يعني مينفعش تهرب منهم عشان كده لازم تعاكس ضيف لكــده البطاله و الشباب الفاضي و إلي عايز يشــغل حياته بأي شيء فمن ضمن الوســائل دي المعاكســــــــه ,,,,,,, يعني الولاد مش هما السبب ؟
طــيب نقوووول الأهالي هما السبب ..... مفيش غيركم بقى .... انتم إلي أهملتم ولادكم و بناتكم و مدتهمــش مناعه كافيه يواجهوا بيهــا المجتمــع إلي حواليهم ..... مدتهمش مناعه كافيه من الأخلاق والتربيــه الدينيه والثقافيه يعني محصنتهمش وسيبتوهم يدخلوا على المجتمع فأكيــد لازم يقعوا في أخطــاء من ضمنها الميل إلى المعاكســـه ...... ودا برده أنا مش موافق عليه وده ظلم طبعا ...... أكيــد لو سألناهم هيقلولنا ان الشــغل صعب و مطالب الحيــاه كتير و صعبه واحنـــا منشغلنتـاش عن ولادنا إلا لإن إحنــا عايزين نخليهم أحســن ناس .... وناس تانيه قالوا و إحنــا لو قفلنــا عليهم ده هيجيب نتــايج سلبــيه ......
إمــال إيه الســبب بقى ........؟
يبقــى السبب متوزع عالتــلت أسباب دول وضيف على كده مجتمع مشترك في كل حاجه
بـــــس انا شايف إن الحــل هو ان إحنــا لو ركــزنا في حيــاتنا مفيش معاكســه هتضيقنــا ....... يعني لو ركزنا في دراستنــا في فترة الدراســه معتقدتش إن حتى لو كانت دروسنــا مشتركه هيبقى في أدنى مشكلــه .... و عامـة في حياتنا مش لازم الدراسه يعني الحــل ان احنــا منهتمش أصلا بالمعــاكسه ولا نهتم ان في واحد بيعاكيس وانا مبعكس وان حد بيتعاكس وانا مبتعكس ... ونعرف ان كل دا من وجــهة نظري هبل