[The Lord Of The Rings]

بسم الله الرحمن الرحيم

أولا احب اهني كل مصري ع الماتش اللى شفناه امبارح ده
فعلا ماتش عالمي بجد الكورة فيه رايحة جاية مش بتهمد
و جمهووووووووور عالمي جدا يخض بجد

ثانيا
انا مش عايز حد يزعل مني ف الكلمة اللى هاقولها دي
لكن الصراحة دي بتعبر عن الحق
و والله العظيم انا ماقصدش بيها اساءة لأي حد أو لأي نادي
و بعيدا عن كون الفريقين اللي بيلعبوا هم الأهلى و الزمالك
و نتكلم بالمنطق و نقول :
" يا جماعة فريقين بيلعبوا كورة قصاد بعض
فريق عمل كل حاجة ف الكورة زي م الكتاب بيقول من أول لاعب لآخر لاعب
و الفريق التاني معتمد كله على عنصرين تلاتة فيه هم اللى بيمشوه
فالمنطق و الحق بيقولوا ان لازم الفريق الأول هو اللي يكسب"

بمعنى تاني من محلل رياضي معروف قالها :
" اهداف الزماك اعتمدت على "بنات أفكار" أفراد يعني بفردية و مهارة لاعبين تلاتة
أما اجوان الأهلى بيبقى فيها تعاون من الفريق كله و جماعية "

الخلاصة ان الزمالك معتمد ف كل اجوانه و لعبه على (شيكابالا - عمرو زكي - جمال حمزة )
و ده واضح تماما ف ال3 اجوان
و ده ميقللش من شان اللعيبة دول (بالعكس انا لما لقيت شيكابالا نازل قلت ربنا يستر)

لكن الأهلى فيه جماعية جامدة جدا حتى و لو كان فيه (اسطى) زي ابو تريكة بيمشي اللعب ( بس مش الاعتماد كله عليه و خلاص)

فبالمنطق و الحق .... الأهلى لازم يكسب يا جماعة و محدش يقدر يزايد على كده
----------------------------------------------------------------------------------
في النهاية
ألف مبروووووك للأهلى البطولة 101 و العداد شغال
و ألف مبروووووك للزمالك على تحسن المستوى العام له جدا ف الفترة الأخيرة

و شكرا