[العزب فتحي]

بحلم بفجر نهار جديد

ماشيين وقولة آه
جوه الفؤاد ...... جواه
لا ف يوم بتطلع للوجود
ولا قلبنا المجهود
قادر ف يوم ينسى الألم .........ينساه


كُتر الهموم ف اليوم
بيخلي قلبي حزين
لا العين تدوق النوم
ولا يتبسموا الشفتين
ولا زهرة تطلع للحياه متبسمة
ولا طير يغرد ف السما
ولا ضي يفرش ف الطريق ........... يملاه


يا سكة الأحزان
واخدانا طب على فين
هتفرحي الوجدان ؟ لو حتى بعد سنين؟
متشوقين للفرح
ماهو كل قلب انجرح
مستني لحظة فرح
تملاه أمل ............ وحياه


يا شمس بكرة الجاي
نسيني قولة أى
لسايا بحلم أكون سعيد
بحلم بفجر نهار جديد
بحلم بعيد
يلقى الفؤاد فيه ......... مبتغاه

العزب فتحي