اسمحولي اشارك
انا عندي هوايات كتير
الرسم: كنت موهوب جداً في الرسم و بقدر ارسم الوجوه من الصور او المجلات بدقة مذهلة (لكن بطلتها علشان اللي بيقولوه علي حرمتها)
التأليف القصص: كنت بألف قصص بوليسية ساعات و انا صغير لكن برضه في هوايات تانية طغت عليها
تأليف الشعر: كنت بكتب شعر حلو و انا صغير بس حالياً مش بحب غير اني اكون ناقد لابيات الشعر
الكمبيوتر: من النوع اللي ميحبش يشوف حاجة قدامه ميعرفش تشتغل ازاي و من هواياتي المفضلة البرمجة و تصميم المواقع
و التصميم بالفوتوشوب بس مش مهتم بيه اوي يعني
القراءة: الهواية اللي بتاخد كل وقتي تقريباً و احب اقرأ في الفيزياء و ساعات بوصل لافكار ابحاث او احط تصاميم لاختراعات و افكار جديدة ينفع تتعمل و يكون ليها مستقبل كويس (بس مش عارف انفذ اي حاجة منهم
)
الرياضة : كنت بلعب كراتيه و معايا حزام اسود لكن بطلت بقالي سنة ، و بحب العب كورة قدم جداً
قراءة القرآن الكريم: موهبة جميلة هي اني اقدر اقرأ بنفس اسلوب اي شيخ اسمعه
يعني مثلاً سمعت العجمي بيقرأ بقيت اعرف اقري بنفس طريقته و هكذا لشيوخ كتار
و ده يخلي عندي في الاخر اسلوب مزيج بينهم بيكون غاية في الروعة مع اني مش حافظ كتير يعني
عندي قدرة اقناع غريبة و بقدر اقنع الناس بأي حاجة في دماغي و بحب اهزر مع صحابي كتير لكن بدون الاساءة لحد فيهم
_________________تم بحمد الله___________________