[الاخصائى الاجتماعى]

المشاركة الأصلية كتبت بواسطة silver_stone

يا اساتذه انا طالب فى ثانويه عامه فى القاهره مدينه نصر اداره غرب
و كنت طالب اجابه سؤال مستعجل جدا بعد إذنكوا
انا اترشحت امين على مدرستى و الحمد لله كسبت الانتخابات
و انشاء الله ناوى ارشح نفسى امين على مستوى الاداره
من المعروف ان الامينه المساعده لازم تكون بنت
و البنت دى لازم تكون امينه على مستوى مدرستها
طاب نفرض ان مفيش بنات خالص امناء عايزين يرشحوا نفسهم امناء مساعدين ينفع بطريقه او بأخرى ان احنا نخلى طالبه مساعده على مستوى مدرستها انها ترشح نفسها امينه مساعده على مستوى الاداره
للعلم ان الامينه المساعده على مدرستها دى فى مدرسه مشتركه ولاد و بنات
فأكيد ان الامين ولد على مستوى المدرسه و الامينه بنت
الرجااااااء الرد العاجل على سؤالى للضروره القسوه قبل ما اذاكر القرار الوزارى كله على الفاضى
الاخصائى الاجتماعى عندى فى المدرسه قال لى مينفعش
و سؤال كمان بعد إذنكوا
لو مفيش امين خالص رضى يرشح نفسه ايه اللى بيحصل ...؟
يا اساتذه انتخابات المكتب التنفيذى على مستوى الاداره يوم الخميس انا لازم يجييلى الرد النهارده او بكره الصبح بالكتير اوى

ابننا العزيز اولاً/ اُحب أن اُرحب بك عضو جديد بالمنتدى
ثانياً/ بالنسبة للانتخابات على مستوى الادارة
يتم تقاسم منصبى الامين والامين المساعد بين البنين والبنات
ففى حالة فوز طالب بمنصب الامين يكون منصب الامين المساعد من الطالبات والعكس صحيح
اما بالنسبة لسؤالك فى حالة فوز طالب بمنصب الامين وعدم زغبة اى طالبة من الامناء الترشيح لمنصب الامين المساعد يتم قبول طلبات الترشيح من الامناء المساعدين للمدارس
وهذا ينطبق على اللجان ايضاً ففى حالة عدم رغبة الامناء فى الترشيح لاحدى اللجان اوعدم توفرها يتم قبول الترشيح من الامناء المساعدين وان لم تتوافر يتم قبول طلبات الترشيح من المقررين
اتمنى لك التوفيق بأذن الله فى حياتك العلمية والعملية
ونرحب بك بيننا دائماً
تقبل تحياتى