[ابو الفاروق]

المشاركة الأصلية كتبت بواسطة منار على

انا بقى مش شايفه ان معنى ان اتعطل تعينا انه وزير سيىء

ياريت مش كل واحد فينا يبص لنفسه ومصلحته وبس وياريت نبص للامور عموما

الناس اللى بتقول ان الجمل لو كان استمر كنا اتعينا

لو فكرنا شويه وبعقل وسالنا نفسنا سؤال ياترى ايه مصلحه احمد زكى بدر فى تعطيل تعينا ؟؟؟؟؟؟؟؟؟؟؟؟؟؟؟؟؟

دا بالعكس احنا ان اتعينا فى عهده دى نقطه تحسب ليه

يمكن انا اشتغلت من حوالى اربع سنين يعنى فتره قليله لكن خلال الفتره القليله دى

احب اقول ان فى عهد الجمل

اخترعولنا نظام الكادر اللى كان السبب فى تريقه وسائل الاعلام علينا

فى عهده اتجرا علينا الطلبه بسبب قراراته

نظام التقويم الشامل كان فى عهد مين ؟؟؟؟؟؟؟؟؟؟؟؟؟ وكلنا عارفين انه نظام فاشل

ومش كدا وبس دى حاجات تانيه كتير منها ان كانت بتيجى تعليمات من فوق بلاش اتكلم عنها

لان اقل مايقال عليها ان الهدف منها على المدى الطويل خلق شخصيه جبانه وضعيفه

منعدمه الضمير زى اللى منتشره دلوقت فى مجتمعنا دا غير بقى اللى سمعته بعد ماتشال وقريته

من مرتبات خياليه لمساعديه ورشاوى وغيره كتير

دا بقى غير ان الطلبه فى عهد الجمل ماشاء الله كانوا عباقره يدخلوا امتحان الثانويه العامه يجيبوا فوق ال 100 فلميه

ويدخلوا كليات القمه ويفشلوا فيها وتبان مستوياتهم الحقيقيه

دى حاجه بسيطه جدا من اللى شفته وسمعته فى عهد الجمل خلال اربع سنين وبس

وبصراحه انا حاسه بفرق بدون توضيح من يوم ماالجمل اتغير وبجد يكفينى احساسى بالفرق دا

ومفيش حد يقدر يغير وضع من يوم وليله وبصراحه محدش يقدر ينكر ان احمد زكى بدر اتولى الوزاره
لتعليم فاشل وفيه كتير من السلبيات اللى بقت واضحه جدا فى مجتمعنا دلوقت

فمش معقول هيغير نظام بالكامل بسلبياته من يوم وليله

كمان انا شايفه ان صاحب الموضوع موضحش لينا هو اسوا وزير ليه غير من خلال سبب واحد هو عدم تعينا لحد دلوقت

اللى الله اعلم ايه اللى معطله فعلا ومين السبب الفعلى فيه

مع الاسف معلوماتك خاطئة لو كنت ممن عاصرو ذكى بدر الله يرحمة كنتى عرفتى ان احمد ذكى بدر لا يختلف كثيرا عنة فى اسلوبة وطريقتة وتكبرة الشديد وعنادة ومش عايز اقول الفاظ اخرى يعاقب عليها القانون
ولكن اخرة كل ظالم متكبر على الله اية الضرب بالحذاء كما حدث فى واقعة تعد الاولى فى تاريخها فى مصر وتحت قبة البرلمان وامام مرى ومسمع الجميع
اما من ناحية ملف الانجاز وخلافة من الامور الاخرى التى تاخذينها على يسرى الجمل فالعيب كما هو دائما فى التنفيذ وليس القرار لو رأيتى ملفات الانجاز فى احدى الدول العربية وليس الاوروبية سوف تعرفين ما قيمة ملف الانجاز هذا فقد رأيت بنفسى ملف انجاز لطالب فى المرحلة الابتدائية فى دولة الامارات كنموذج والله لا يستطيع حتى مدرس تنفيذة ، كما ان هناك نقطة اخرى وهى ما قولتى انك عملتى لمدة 4 سنوات بالاجر وانا عملت لمدة 7 سنوات بالاجر بداية من 2002 كنت اعمل ب 36 جنية فى الشهر وبلا مكافأة اسئلى نفسك بقى مين اللى حطنا فى خانة العقود المؤقتة ولولا هذه العقود ما طالبنا بالتعيين الان وكنا ما زالنا نطالب بالتعاقد كما ان تعيينا الان وان كان سوف يحسب للوزير الحالى على الورق ولكنة فى الاصل يرجع ليسرى الجمل لان كان المفروض بمجرد خوض اختبارات الاكاديمية نرقى لمعلم ويتم التعيين وعلى فكرة ملفات واسماء المعلمين الذين خاضوا اختبارات الاكاديمية كانت على مكتب الوزير السابق يسرى الجمل فى شهر 4 ابريل 2010 وتوقف التوقيع عليها لخروجة من الوزارة

كما ان قانون الكادر الاصل فية تعيين المتعاقدين المعلمين المساعدين هذا المسمى الذى وضعة يسرى الجمل لكى يضعنا على المسميات الوظيفية كما ان قانون الكادر لو نفذ لاصبح كل من فى المدرسة يعمل ولن يصبح هناك معلم بلا جدول تحت اى مسمى ومن المفروض من لا يعمل وليس لة جدول لا يصرف الكادر الخاص الذى يصل الى 150 % كما ان قانون الكادر رفع مرتب المعلم والذى كان من اقل الرواتب الى 650 جنية
ولكن كما قولت فى الاعلى العيب مش فى القرار العيب فى من ينفذوا القرار