[مستر ايمن محمد راشد]

المشاركة الأصلية كتبت بواسطة zaza5000

بصراحة أنا خايف أتكلم أحسن الأخت كرستال تتضايق أكتر وممكن تضربني
لكن أنا حقول علي ضمانتك انت
أولاً شهر العسل لم يعد شهر , كفاية أسبوع بالكتير
ثانياً الستات بتموت في النكد , يعني لو مر عليها أسبوع من غير مشاكل
تلاقيها متنرفزة وبتتشاكل مع طوب الأرض وممكن تكلم نفسها وأكيد في الأخر
حيكون الزوج هو الضحية اللي تفرغ فيه كل ضيقها
يبقي انت عايز الزوج يفكر يعمل شهر عسل تاني ومعاها ؟
إذا كان هو أصلاً مش طايق يشوفها من كتر النكد والطلبات وبيروح
يقعد مع زمايله أو يقعد علي القهوة أو حتي يقعد علي الرصيف , المهم
انه يبعد عن النكد شوية , انت عايزه يجيب وجع الدماغ لنفسه وبايده ؟
أنا افضل انه يتجوز واحدة تانية لو حابب انه يتمتع أسبوع , لكن بعد
الأسبوع ميخلص , حيبقي الهم همين والنكد نكدين وممكن يروح فيها
المسكين يا عيني
وطبعاً حضرتك عارف ان الرجال مساكين ولا حول لهم ولا قوة
مشكور علي هذا الموضوع .

طبعا انت عندك حق فى كلامك بس كنت متخيل انك الوحيد اللى هو رأيه كده اتضح ان هو ده رأى الجميع ...كلام فى سرك ( كلامك صح ) بس كفاية كده عشان الرقابة هههه