انا في الفريق الاول:
لاني مؤمن ان مصر فيها قدرات عظيمة و الفكرة في الاستفادة منها
و مؤمن برضه ان كل حاجة في مصر ليها طريقين واحد قانوني و التاني غير قانوني
حتي لو انا مخترع و عايز اوصل اختراعي للعالمية ليها سكتين و الغير قانونية معروفة
اما القانونية ليها فهي الاعلام اللي ممكن الي حد ما نعتبره في بعض الحالات كرباج الحكومة المصرية
(معني كده ان الحكومة مش وحشة ...حكومتنا جميلة و انا بحب الريس
) "احتياطات امنية"
علشان بحبها
احنا شعب عرف يشغل دماغه
معتمدش علي البترول و الخبراء الاجانب
شغلنا دماغنا و عايشين كده
لكن ان جيتي للحق انا بحب السعودية و نفسي اعيش فيها لانها المكان اللي عاش فيه الرسول صلي الله عليه و سلم
لكن مصر هي امي
نيلها جوي دمي
هو ده اللي فاكره من الاغنية بقي
و خروجي من مصر مش حل ليا او لعيلتي او ذريتي
لاني هاتبهدل برة و لو متبهدلتش اولادي هايعيشوا برة وطنهم و هايحسوا بالغربة لما يرجعوا
حتي لو رجعت من بره متريش هاحس بالغربة في بلدي بعد غيابي الطويل عنها
بل بالعكس : هاحس اني مش عايز اقعد فيها و ان برة احسن
و ساعتها هاكون عايش لنفسي و مش هايكون ليا اي دور يشرف بلدي
ولا ايه؟؟