أنا بنتمى لفريق نفسى
وهو بأنى أعشق مصر
وسأظل أحبها ومهما بعدت عن أرضها
سأناشد بحبى لها
وأفخر بالعروبة التى أنتمى لها
وبالإسلام الذى ينير لى دربى
فمنذ فترة كتبت كلمات تٌعبر عن غربة كل مصرى محب لوطنه فى أرض الوطن أو حتى خارجه
فكلاهما غٌربه والسبب فيها هؤلاء جلادى الشعب
وأطلقت عليها اا ... حاميكِ جلادى ...اا
بعد إيه يا أمه جايه تقولي ولادى
الصبر كان شيمتي والحزن على بابي
الفرح واعدني يقابلني في بلادي
لقيت ظلم وأسى وحاميكِِ جلادي
قالولى جاى يحميني ويعلى أمجادي
لقيته جاى يزلني ويدوس على فؤادي
******
ممكن سؤال يا أمه داير على لساني
بتخلفينى ليه لما أنتي بيعاني
لما أنتى سايبه كلابك تنهش فى بستاني
حرام عليك يا أمه تناديني من تانى
******
يا طاحونة لفي مئة مليون لفة ودوري
تعالى جنبي وفوق منى ودوسي
ضحكوا عليا وشحتوني فلوسي
نصبوا عليا وصبوا الوهم على راسي
******
حاميكِ جلادي في عز الحزن بيغنى
على جسمي بيرقص وكاسه من دمى
بيقولى أسكت صوتك مش هيوصلنى
******
بصرخ فى عز الليل وأقول يا بلادي
مين ينقذك منهم ويطهر الوادي
كانوا السبب يا أمه أنى أسيبك وأمشى
من قبلها يااامه دبحونى ولا بانشى
وفى طابور العيش وقفوني كتير وبرده مبخدشى
دبحولى يا أمه في الصبا طفولتي
خلوني أقعد ذي طفل بينادى
علموني الهوى .. رسمولى في كتابي
إن التاريخ منهم وأنسى أجدادي
أنسى اللي صانوا البلد وبالولد ضحوا
أنسى اللي رسموا على القنال فخرك وأمجادي
******
يا مصر فوقى وأصرخى .. طلعي صمتي
أحسن ما أموت من الحسرة وتكون هنا نهايتي