[**تسابيح**]

المشاركة الأصلية كتبت بواسطة aliweeka1

فعلاً تغيير الثقافة بياخد وقت طويل , وهي دي المشكلة !!
لأن الوقت الطويل ده مش في مصلحة الشاب لأنه عايز يتجوز
الأن مش بعد 50 سنة أو أكتر !!

خلينا نبدأ عشان نغير الثقافة دي
وممكن بعد كدا النظرة دي تتغير

حكاية البطالة حتزيد , ماهي زايدة أساساً !!
هو فيه شغل ؟؟!!
وبعدين انتي قلتي ان الواحدة مش مطالبة بالانفاق مع الزوج علي البيت
وان فلوسها خاصة بها فقط , طيب ماشي , بس يبقي ايه فايدة عملها ؟!!

يعني هو اسمه راجل
يعني من اسمه كدا انه قوام
فأكيد هو اللي يصرف ويدفع
اومال هو اتجوزها عشان تصرف عليه

طبعاً حتقولي اثبات الذات ومش معقولة بعد ما درست كل سنوات الدراسة
دي , تقعد في البيت !!!

مكنتش هاقول كداخالص...

أظن المنطق ده مفيش فيه أي منطق أو عقل !!!
يعني الواحدة تشتغل علي حساب البيت والزوج والأولاد لمجرد انها عايزة
كده أو شايفة كده وخلاص ؟!!

لا طبعا

لو كان الأمر هكذا , يبقي الأوجب لها انها تعمل في الاجازة الصيفية وهي
طالبة لأن العمل في وجهة نظرها ضرورة ولا غني عنه !!!

موضوع عمل المرأة حاليا عندي مشوش
وحاجات كثيرة بس المهم دلوقتي
لاننا بنتكلم عن الراجل
انه هو الراجل وهو اللي يصرف وينفق ..مهما حصل
لانه راجل
اعرف بنات بتشتغل في الاجازة
وانا كمان كنت بفكر اعمل كدا

وإلا فما هو الفرق بينها وبين الشاب ؟!!!
مفيش مقارنة
مش عارفة ليه بتقارنوا
هل البنت زي الولد
لا طبعا
يعني فيه حاجات تتقبل من الولد مش تتقبل من البنت
فيه حاجاتا لرجل يقدر يعملها بس البنت لا

ومسألة ان المنطق والعقل لا يقبل أن تعمل الفتاة في خدمة البيوت مثلاً
فأين هنا المنطق والعقل ؟؟!!
أليس هذا العمل عملاً شريفاً ؟!!
ولو كل واحدة أخذت بهذا المنطق , فلن نجد واحدة تعمل في أي بيت وهو
ما نراه في مصر منذ عدة سنوات !!!

اكيد فيه ناس ظروفها عايزة كدا
وانا مقلتش انه حرام ولا عيب
بس واحدة معندهاش الظروف دي بئا
ايه اللي يجبرها ع كداا

فكما تنظر الفتاة لهذه النوعية من الأعمال , ينظر الشاب مثلها تماماً وكذلك
تنظر الفتاة نفس النظرة لعمل الشاب !!!!
يبقي حل المشكلة في ايد الفتيات أولاً ثم الأهل ثم الشباب !!
يا تسابيح دا الشاب لما يتقدم لفتاة ويقول انه حيأجر شقة حجرتين , بيرفضوا
علي طول " طبعاً الكلام ده لا ينطبق علي القاهرة " هذا بخلاف انهم بيسألوه
عن طبيعة عمله , ليس من باب السؤال والمعرفة , ولكنه من باب القبول أو
الرفض !!

معرفش غير عادات المنايفة

يعني مثلاً لو شاب معاه مؤهل جامعي واشتغل سواق أو فتح كشك أو اشتغل في
الفاعل " أعمال البناء " , وتقدم لواحدة حتي وان كانت متدينة وملتزمة , لكنها
بترفض أو أهلها بيرفضوا ...... ليه ؟ ..... لأن ميصحش بنتنا تتجوز واحد
سواق أو فاتح كشك أو بيشتغل في الفاعل !!!
الخلاصة يا تسابيح ان معظم الشعب المصري أقرع ونزهي

زي ماقلت لحضرتك
فيه فرق
لان االرجل هو المطالب انه يفتح بيت
البنت مش مطالبة بكدا
الولد مطالب انه يجيب شقة وعفش
وغيره وينفق ع زوجة وأولاد
البنت مش مطالبة الا انها تاخذ فلوسه وتصرفها
يعني النظرة للبنت اللي تشتغل في المكان بيع جرايد
مثلا غير النظرة للشاب
أكيد تختلف !!!