[manosha]

اولا شكرا ع الموضوع والمناقشة فيه مهمة جدا بس ياريت نقدر نغير حاجة
الموضوع مش موضوع تسقيط بنطلون ولا البتاعة "اللي زي الجلدة"اللي بيحطوها في ايديهم "زي اللي عمال يركب جلد للمواسير ليل نهار وحاططهم احتياطي" ولا البادي اللي بترتر اللي بيلبسوه الولاد ........ .لالالا
الموضوع موضوع عقل اتدمر ما اعتقدش ان لو كان في تعليم صح ممكن نشوف المظاهر دي ومش قصدي بالتعليم الصح انه مفروض يبقى بالانجليزي يعني لا اعرفوا العربي بتاعنا اللي بقى نصه انجليزي بعدين يشوفوا هل هيقدروا يتثقفوا بالانجليزي ويقووه عندهم كلغة تنفعهم ولا لا...وبعدين ليه احنا اللي لازم نبقى كويسين اوي في الانجليزي ومايبقوش الانجليز كويسين اوي في العربي؟
دة حتى للاسف لما حب شبابنا "الفئة الضالة منهم يعني"يتعلموا منهم خدوا ما يعتبره الغرب مخلفات
ب للاسف انا بازعل اوي وبقول ياخسارة لما الاقي حتة واد لسسة في اعدادي مثلا بيتعلم طريقة تسقيط البنطلون والحاجات التانية من اللي اكبر منه سواء في ثانوي او في الجامعة يعني للاسف اللي يعتبروا اطفال ما اتعلموش من الغرب لا للاسف هم بيتعلموا من العربي واللي هو اكبر منهم
وعلى فكرة الموضوع دة مش في مصر بس لا دة في دول عربية كتير بل معظمهم اذا مكنش كلهم
عشاان كدة برجع بقول ان لو تعليمنا صح وتربيتنا صح وفي اللي يراقبنا ويفهمنا دة صح ولا غلط اعتقد ان احنا كشباب عربي مش هنركب الموجة ونمشي عميان
وفي نقطة مهمة جدا طبعا انتوا عارفين ان في مدارس كتير حصص الدين فيها تكاد تكون انقرضت يعني يابتبقى حصة فاضية او مابيهتمش حد فيها وبيفهمونا ان امتحان الدين معلومات هامة وطبعا احنا كدة مستوانا الديني اقترب من الحضيض وتم الاكتفاء بتعلم الوضوء وكيفية الصلاة .............والله اعلم هنفضل نتعلمها ولالا
معلش طولت عليكو لكن الموضوع مهم ومن بدري وهو قاهرني ...وانا كبنت نفسي اوقف اي بنت او ولد مبهدل شكله بالهدوم اللي بتبينه من برة انه عديم الشخصية ينساق وراء افكار ساقطة من دون مايفكر عامل زي ال ...ولا بلاش اظلم الحمار واقف اضحك عليه وامشي عشان يحس بقيمة نفسه الحقيقية. ..وشكرا ع الموضوع