[السيد صابر]

وطب وانت زعلان ليه؟

من حوالي شهر أو شهر ونص جالنا عمو الحج بتاع تحصيل المياه
وطبعا الناس دول نادرين أوي أوي أوي
لدرجة أنك ممكن تقول أنهم معرضين للانقراض وعشان كده مبيظهروش إلا في المناسبات والكوارث بس
المهم الراجل قال إن احنا (البيت يعني) عليه متأخرات حوالي ثلاثة آلاف جنية أو أكثر شوية
وقال إن دي التسعيرة الجديدة وإنه ممكن لو ذهبنا للشركة خلال الأسبوع اللي هو جه فيه يعاملنا بالتسعيرة القديمة
طب انت عارف هاندفع كام بالتسعرية القديمة؟؟؟

كام؟؟
قووووول بقى .... كام ........؟

750 جنيه بس.

شفت الفرق كام؟!!!!

على الرغم إني قرأت قبل هذه المقابلة بيوم أو يمين صفحة طويلة عريضة بيأكدوا فيها إن المياه لم يزداد سعرها منذ عامين ولا نية, وخلي بالك بيقول ولا نية لزيادة أسعار المياة لدى الحكومة
هاه عرفت بقى إنه عادي؟
الحكومة لما تحب تعمل حاجه تقولك حنا معندناش نيه ومفيش كلام من ده وكده يعني
لحد ما تلاقي الفاس وقعت في الراس وفتحتها والدم نزل بقى وممكن تلاقي نفسك كمان في القبر من غير ما تاخد بالك.

وزي ما انت عارف

مصائب الشعب عند الحكومة فوائد