[damwsthel]

السلام عليكم ورحمه الله وبركاته
ازيكم عاملين ايه
كل سنه وانتوا طيبين
كان في سوال بيدور في دماغي ديما وحاجات كتير بتخليني استغرب
ليه احنا ديما بنسمع كلام كتير عن الصداقه وجمالها
وكلام كتير
بس نجي نبص في الحقيقه منلقيش حاجه اسمها اصحاب
كل مصاحب عشان مصلحه ولما تخلص المصلحه الصحوبيه ديه تنتهي
وتلاقي ناس معاك بيمثلوا انهم بيحبوك ومن وراك بيتكلموا عليك وبيشتموك
وحاجه غريبه لحظتها في ناس كتير اعرفهم
مثلا لو حد ناجح المفروض يقلوا ازاي نبقي زيه
لكن هما بيقولوا ازاي نرجعه فاشل(كانهم بيقولوا ازاي الواد دا فلت من تحت ايدي)
وتلاقي مثلا اتنين كانوا مثلا صحاب في ابتدائي
وسابوا بعض اعدادي واتقبلوا في ثانوي
وواحده منهم تعبت اكيد هتلاقي التانيه بتشوفها بتكون خايفه عليها
لكن اسال واحده انتي ليه متطمنتيش عليها هي كانت تعبانه
تلاقي الرد ماتولع ولا تغور في داهيه
اني نفسي متوقعتش الرد ده
وحاجه تاني مثلا لو واحده صاحبتها اتكرمت المفروض تفرح لها
مش تتمني ليها انها تتعب ساعه الامتحانات عشان متعرفش تحل تاني
وحاجات كتير بتخليني اتعصب وبحس ان مفيش حاجه اسمها اصحاب
وان الاصحاب دا كلام في القصص والحكايات
فانا كنت عاوزه اشوف ان ديه وجه نظري
انا بس وفي حد متفق معايا ولا لا