اقتباس:
المشاركة الأصلية كتبت بواسطة **نغم**
السلام عليكم
اولا انا لسة 2 ثانوى...بس بما انى دخلت هنا يبقي اكيد نفسي ادخل طب
ثانيا: بسم الله ماشاء الله كلكم في طب ربنا يوفقكم( عشان بس انا عيني مدورة ) 
ثالثا:هو طب صعب ان الواحد يوصلها؟ اصل بصراحة خايفة اكون بحلم حلم انا مش قده...
اخيرا: ربنا يعينكم كلكم ويوفقكم وامة الاسلام تتقدم بيكم وبينا 
وادعولي بأة .... |
وعليكم سلام الله ورحمته وبركاته
اولا اهلا ومرحبا بكم معنا
ثانيا هههههههههههههههههههه حلوه جدا(( عيني مدوره ))دي
بس ع ايه ع طب يعني
والله الناس كلها مخدوعه في كليه الطب دي الناس فاكراها الجنه ولما حد يدخلها خلاص يبقى دخل الجنه لكن والله بجد اللي هيدخلها هيتصدم بجد ومش هيعرف كلامي ده الا اللي دخل طب بنفسه مش سمع عنها بس وع العموم ربنا يوفقك
ثالثا والله ما فيه شئ صعب كل حاجه بتوفيق ربنا والله ورضاه ورضا الوالدين ثم الدعاء والتوكل ع الله والمزاكره بس المزاكره اللي ترضي ربنا يعني مش زي ما انا كنت بعمل ازاكرهم قبل الدرس وكدا اكيد كل عارف الاسلوب ده وربنا يكرمك وكل حاجه اولا واخيرا ربنا بيبقى كاتبها يعني لو ربنا ماتبلك انك تدخلي كليه ما هتدخليها وهيوفقك ليها وده لا يعني التواكل ع الله ولكن يعني التوكل ع الله والاخذ بالاسباب ونعمل اللي علينا ونزاكر ونسيبها ع الله واهم شئ قوي صلتك بالله(بالصلاه) ليحقق لك ما تتمني واكثر ووالله والله انه كريم جواد ع نفسي انا مزاكرتي ما كانت لتحصل حتى صيدله ووالله اكرمني والحمد لله بطب بشري
ثم صدمت وعرفت الكليه ع حقيقتها بعد ما كنت مثلك كطالب ثانوي يعتقد انه بدخوله كليه الطب خلاص انتهت كل مشاكله والحياه حلوه زي ما بيقولوا
انا مش هحبطك اكتر من كدا ربنا يوفقك يارب
وفي النهايه ادعيلك ان ربنا يوفقك يارب ويكرمك وتدخلي طب دي وتجربي بنفسك اللي بحكيلك عليه
وعليكم سلام الله ورحمته وبركاته