السلام عليكم ورحمة الله وبركاته
أحييكِ أختنا الفاضلة على اختيارك لهذا الموضوع الرائع 
على المستوى العام
بحلم بيوم يتحد فيه المسلمون فى كل مكان فى العالم ويكونوا دولة إسلامية كبرى تعيد للمسلمين أمجادهم ويرى العالم كله عظمة الإسلام والمسلمين
على المستوى الشخصى
زماااااااااان يعنى من كام سنة  كنت بحلم أكون مدرس زى إخواتى ( 4 مدرسين ) والحمد لله حققت حلمى من كام سنة كده
وبعد كده كنت بحلم ببنت الحلال اللى هتشاركنى رحلة عمرى والحمد لله ربنا رزقنى بإنسانة فيها كل الصفات الطيبة وبدأنا مع بعض الحياة الحقيقية 
وبعد سنة العسل قصدى شهر العسل بقى حلمى ربنا يرزقنا بطفل يشاركنا رحلة العمر يعنى الواحد يغيَّر شويه والحمد لله ربنا رزقنا بروضه (أول طفل لينا ) نورت دنيتنا وبقت الجنة جنتين
بعد شويه البنت عاوزه أخ علشان يلعب معاها ويسأل عليها لما يكبروا وفعلاً ربنا رزقنا بأحمد وبعده إسلام والحمد لله
وبقه حلمى أشوفهم فى أحسن حال ويكبروا ويملوا البيت علينا عيال 
وتوته توته خلصت الحدوته حلوه ولا ملتوته
آخر تعديل بواسطة Egypt for Ever 25 ، 14-05-2011 الساعة 02:47 PM
|