أولا : شكرا يا أخ أحمد على طرح الموضوع
ثانيا : الكلام اللى هتكلمه ده في حدود البيئة المحيطة بيا (اللى اعرفه يعني مش بعمم على مصر كلها )
ثالثا : بالفعل فيه نسبة ليست بالقليلة من المدرسين بيتعمدوا حاجات مش مظبوطة لأهداف شخصية
بمعنى ان المدرس يعمل نفسه روش (و ده منتشر اكتر ف المدرسين الشباب طبعا ) و يعملك القصة اللى ف شعره و يفلفله بالجل- و يمكن يحط عدسات ملونة - عشان البنات تتهبل عليه و تسمع بأه : ياي ايه القمر ده شوفتي المدرس ده أمووور ازاي انا رايحة له الدرس وش " و مبروك عليه البنات
و بنفس الطريقة المدرس يقف مع الطلبة (الرجالة) يشرب سجاير و يظبط ويكلم بلغتهم و "يهيبر معاهم" م الأخر و تسمع انت بأه : شوفت ابن اللذينه الروش ده , ده مهيبر طحن . صباح الصياعة " و بكده مبروك عليه الولاد
يعني القصد ان المدرس ممكن يبقى ملوش دعوة بالتعليم من اساسه هو عمال يشد الطلبة و خلاص
رابعا : زي م قلت الكلام ده بينطبق بنسبة 95% على المدرسين الشباب (و ده انا شاهد عليه بعينيا )
خامسا : ده لا يمنع ان هناك عدد لا نهائي من المدرسين المحترمين اللى يجبروك على احترامهم و فعلا يستاهلوا يقال عنهم قيمة المعلم بجد ( ودول طبعا بيزيدوا ف الكبار)
سادسا : الكلام ده مش معناه انى القي باللوم في خراب العملية التعليمية على المدرس
بالعكس الطلبة يقع عليهم 80% من فساد العملية التعليمية ( و في ده كلام يطول شرحه )
لكن احنا بنرصد بس ظاهرة (اللى الموضوع عنها )
شكرا مرة تانية
__________________
النفس تبكي على الدنيا وقد علمت *** أن السعــادة فـيها تـرك ما فيهـا لا دار للمرء بعد المــوت يسكنهـا *** الا التــي كان قبل المـوت بانيها فـإن بنـــاها بخيـر طـاب مسكنـــه *** وإن بناهــــا بشـر خـاب بانيهـــا أمـــوالنا لذوي الميراث نجمـعــها *** وبيـوتـنـا لخــراب الدهر نبنيــهـا
|