بجد موضوع حضرتك اكثر من رائع
و لكن بالنسبة للبنات الاسماء المستعارة افضل
لان عالم النت عالم كبير جدا
وزي ما فيه الحلو فيه الوحش
يمكن اكون باستخدم اسم مستعار
لكن كل صحباتي و الناس اللي بثق فيهم هنا في المنتدي يعرفوا اسمي الحقيقي
و مجال دراستي
و طبعا انا قولتهم اسمي و دراستي لاني بثق فيهم
( الثقة )
علي النت و في عالم المنتديات احيانا بتنعدم الثقة
علشان كده لازم اكون حريصة و انا بكتب اي حاجة عن نفسي مثلا
طبعا منتدي ثانوية منتدي محترم و اعضاءه في غاية الاحترام
و عمر المنتدي ما كان هيوصل للي هو فيه الا بجهد اعضاءه المبدعين و المتميزين
و كل ما النجاح بيكبر بيكبر حقد الحاقدين
و بيشترك في المنتدي ناس عايزه تهدمه و تدمره
و دول ناس بيبقوا معدومي الضميرو غير جديرين بالثقة
علشان كده الحرص مطلوب
و استخدام الاسم المستعار بيكون افضل
لحماية صاحبه و للحفاظ علي خصوصيته
شكرا مرة تانية علي الموضوع الرائع
و كل سنة وحضرتك طيبة و بخير
عيد سعيد