[Mr. Ali 1]

المشاركة الأصلية كتبت بواسطة تسابيح النجوم

طبعا أكيد الأم لها دور والأب له دور !
وانا مقصدش بتاع السلطة دا مطلقا يعني
اقصد الحوار العادي بتاع مشكلة فلسطين وارتفاع اسعار اللحمة
وانتخابات مجلس الشعب

ما انا حذفتهم من قاموسي كلمة ثقة وتربية كويسة وأخلاقها ....!!
كويس انك حذفتيهم عشان ميبقوش شماعة لخطأ البنت .
طيب ماشي زي ما حضرتك بتقول ازاي يعرف انها بتستخدمه صح ...
بيبان عليها يا تسابيح , يعني حيلاحظ هو أو الأم ان البنت مش طبيعية والموبايل معاها علي طول وكل شوية تبص فيه , وكمان الأم تدخل علي بنتها بالليل فجأة وتعمل كابسة عليها
يعني من الأخر يخلوا البنت تخاف تلتفت كده ولا كده
دلوقتي اكيد اللي بتعمل غلط هتخاف مثلا ان ابوها يفتح موبايلها
فهتروح عاملة ايه زي ما حضرتك قلت تكتبه باسم بنت ....!!!
يعني التفتيش ف الوقت دا لا يجدي نفعا ...!!
أومال ايه الحل ..!!
لو وصلت البنت للدرجة دي يبقي مفيش حل معاها لأن الحبل كان متروك لها علي الغارب والتربية من البداية كانت زفت وهباب والأب والأم مفيش متابعة خالص !!
حضرتك هتقول مش يجيب موبايل من الأساس ..
دا الأفضل ومنعاً للمشاكل ووجع الدماغ والمنظرة الفارغة !!
طيب لو التليفون الأرضي فيه مباشر ممكن تتكلم منه ....
ليه هو فيه عدة تليفون تانية في حجرتها ؟!!
حضرتك هتقول يشيل التليفون الأرضي
ويشيلوا ليه ؟ لأ طبعاً , لكن يضعه في مكان عام مش خاص
والبنت لو اتكلمت بردوا , تبقي بجاحة بقي وتسيب وتبقي عايزة الحرق " بس خسارة فيها الجاز "
هقول لحضرتك طيب ما هي ممكن تتكلم من اي سنترال...
ايه يا تسابيح , هيا البنت حالفة بالطلاق لتكلم شباب بأي طريقة ولا ايه ؟!!
وزي ما المثل بيقول نص العمي ولا العمي كله !!
وعلي الأقل ميبقاش الأمر سبهللة ومتاح في أي مكان وكل وقت !
وبعدين زي ما قلت حيبان علي سلوك البنت وتصرفاتها , أما لو كانت خبرة , يبقي هما السبب الأول في ان بنتهم تصل لهذه الدرجة !!!
وفيه ناس مش بتتكلم فيه ناس بتقابل ع طول
اه بتقصر وتجيب من الأخر , مفيش داعي تضيع وقت , القائمة مليانة ومعندهاش وقت للكلام
فيه كلمة عايزة اقولها بس خايفة

كلمة ايه ؟!!
قولي ولو فاكرة انها حتزعلني مش حزعل ودا وعد مني .

للأسف الشديد فعلا كل لما تكبر كل لما القيود تحاصرها
من كل مكن
البنات مظلومة
الجبس بئا غالي
فنطبق
(رفقا بالقوارير )

ما احنا حنجبسها يا تسابيح بعد منكسر ضلعها