[THE CodeR]

المشاركة الأصلية كتبت بواسطة damwsthel

اقولك ليه احنا مش بنشترك اولا اغلب المسابقات ديه مش عارفها واول مره اعرفها دلوقتي
كل اللي حولينا في المدرسه مش بتلاقي حد يشجعك انك تخش او تشترك في حاجات زي ديه
سواء مدرسين او اصحاب (تحس انهم كلهم واقفين ضددك) ويقولك انها ملهاش لزمه و انك متقدرش تعمل حاجه غير حبه التريقه اللي هتسمعها
ثانيا في ناس كتير دمغاها بتكون نظيفه وشغاله زي واحده صحبتي اكبر مني بسنه دماغها جامده لو دخلت علمي هتبقي جامده من كتر الاحباط اللي عملوه ليها من الثانويه العامه فدخلت ادبي
ثالثا في ناس كتير تقدر انها تشترك في المسابقات ديه وتاخد مراكز عالميه بس لو كان في شويه تشجيع واهتمام في المدرسه مش احباط وتريقه
رابعا عادي ممكن اشترك فيها في ثانوي بس احاول اظبط بين الاتنين بحيث ماهتمش بالمسابقه واسيب الدراسه عشان في البلد اهم حاجه الدراسه
خامسا علي ما اظن العيب في الاتنين بس الاكتر علي المجتمع لان كل اللي حولك بيحبطوك و بيخلوك تحس انك ولا حاجه ومتقدرش تعمل حاجه والعيب فينا اننا بنياس و بنستسلم للكلام اللي بيقولوا والمفروض اننا بدل عاوزين حاجه منسمعش ليهم ونحقق هدفنا حتي لو فشلنا مره واتنين حاننجح بعد كده في جمله جت في فيلم كارتون meet the robinsons عجبتني جدا هي keep moving forward
حاسه اني طولت عليك
وكل سنه وانت طيب

و انتي طيبة
لو قلنا ان التعليم كل حاجة في البلد دي
كنا قلنا ان دكتور الجامعة اكتر واحد بيقبض
كنا قلنا انه اهم الناس في البلد هما قمة العلم فيه
كنا قلنا ان لجنة الاختراعات من اهم لجان البلد
احنا بنكدب نفسنا؟؟
مفيش حاجة بتتم
مخترع عمل جهاز يولد وقود من قش الرز و مفيش اهتمام خالص
و يحرق دمي لما واحد صاحبي حكالي عن قناة استضافت عيل صغير
مسمينه المخترع الصغير
عمل تكييف و مكنة تجفيف!!
ده اسمه مخترع!؟؟؟
طيب ايه رأيك اني عندي اختراع يولد كهربا بجهد عالي جداً و في حجم الكرتونة !!
و يتعمل بكام ماسورة و كام مغناطيس
و مش عارف اعمله
و في الاخر يقولولي انتا بتفتكس!!
و ابويا يقولي يعني انتا احسن من العلماء اللي سبقوك؟؟
و هاتك يا تريقة للصبح
ده اخرتها اللي يقولك التعليم اهم حاجة في مصر