[مجنونة الكيمياء]

المشاركة الأصلية كتبت بواسطة مستر ايمن محمد راشد

جامعة بوابة الثانوية العامة الاسم /مجنونة الكيمياء
كلية القسم العام رقم الجلوس/مش عارفة بصراحة
امتحان الفصل الدراسى الأول
لعام 2010


و دلوقتى سوق يبدأ الامتحان ... أول ما أوزع الورق طبعاً انتوا عارفين التعليمات اهم حاجة الاسم ورقم الجلوس
هتقولوا لسا بدرى
هقول ملكوش دعوه انا الدكتور اللى فى الجامعة
دى حجة عشان انتو مش مزاكرين طول السنة عمالين تلفوا فى المنتديات التانية
اطلعوا منها
المده المحدده ساعتين
(مش ساعتين بجد )
وبعدين بقا هنهزر كتير
ده امتحان مش لعبة ممنوع الكلام وكل واحد وواحدة تقعد فى مكانها ومحدش يبص وراه الموبايلات مقفولة ...انتى يا ... بتكلمى زميلتك ليه ..مش قولت ممنوع الكلام

السؤال الاول
من موضوع البيت :
كم رقم ترتيبك فى الاسرة ؟التانية فى أخواتى
من هو الاقرب لك من اعضاء اسرتك ؟أخوى الكبير
حدد اهم الامور التى تقوم بيها وانت فى البيت ؟أحيانا بأساعد ماما وبأقعد عالنت وبأذاكر وأنام بأعمل كل حاجة فى بيتنا
اكله تحبها كتير ؟السمك بكل أنواعه
مشروب يستهويك دائما ؟عصير المانجه بموت فيه
ما هو الطلب الملح الذى تطمع به من اسرتك
ولم يتحقق حتى الان ؟مفيش حاجة معينة
عندما تشاهد التلفاز : ما هو أبرز ما يستدعى انتباهك
وتحرص على متابعته ؟معدش حاجة دلوقتى لأن أغلب وقت فراغى عالنت وبحب فى التليفزيون القنوات الكوميدية وقنوات الكرتون "عيلة مش كده"
ما هى اوقات النوم المفضله لك ؟من العشاء للساعة 2 بالليل أو وقت العصرية

السؤال الثانى
من موضوع الحياه :
حكمة تؤمن بها كثيرا ؟اذا زاد الشئ عن حده انقلب الى ضده
احب الالوان الى نفسك ؟البنفسجى ودرجاته
دولة تتمنة ان تسافر اليها ؟السعودية طبعا
ما هى الوظيفة التى تتمناها لنفسك ؟طبعاً انتى يا انسة هتقوليلى نفسك تكونى دكتورة وانتى مش بتعرفى تدبحى فرخة طيب هتدخلى المشرحة ازاااااى "هو مش أنا اللى نفسى بس أهلى هم اللى نفسهم فى دكتورة وعلى العموم أنا مش بأعرف أدبح فرخة حتى"
حدد اسم اليوم الذى تحبه واذكر السبب ؟الجمعة عشان اجازتى
حدد اسم اليوم الذى تكره واذكر السبب ؟ محدش يقولى الايام كلها ..."الثلاثاء مش عارفة طول عمرى اليوم ده مش برتاحله خالص ربنا يستر"
حدد نوع سيارتك المفضله ؟ طبعاً مش كلنا عندنا عربيات !!! ممكن نقول توك توك .. بتضحكوا على ايه ...ممنوع الضحك اللى هيضحك هطلعه بره ( كده وكده يعنى ) عشان تخافو "عادى أى نوع عربيات أحسن أنا مش بأعرف ف الموضوع ده أوى بس أى حاجة تيجى واحنا مش هنقول لأ"
حدد افضل رساله لصديقك ماذا قال لك فيها ؟أنا جت لى رسايل كتير بس دايما بحب الكلام اللى من القلب لأنه بيوصل للقلب على طوووول كانت الرسالة بتقول نفسى أشوفك لأنك واحشتنى أوى
مكان يعجبك كثيرا وتترد عليه دائما ؟بلاش حد يقولى البحر والقمر والكلام الرومانسى ده انا عاوز اجابة ايدلوجية بحتة منبثقة من التفكير اللامركزى اثناء العصف الذهنى ( اللى مش فاهم السؤال ده انا بدى دروس خصوصية ) بس بعد اللجنة وقبل التصحيح عشان فى درجات رأفة "أنا بحب مدرستى أوى وبأشتاق لها أما أغيب عنها"بس محدش يضرب يا جماعة دى وجهات نظر
أقرب الشخصيات الى قلبك ؟طبعا السؤال ده حساس شوية ... هاااا ... فاهمين قصدى "مفيش حد قريب من قلبى الكل فى مستوى واحد وكل اللى يحاول يقرب أنا اللى بأبعد"

السؤال الثالث
من موضوع المدرسة :
مدرس لازال فى ذاكرتك ولماذا ؟مدرس الكيمياء لأنه علمنى معنى الحياة بكل ألوانها وأشكالها
مواد دراسية تحبها كثيرا ؟الكيميـــــــــــــــــــــــــــــــــــــــــاء طبعا
مواد دراسية تكرها كثيرا ؟مفيش بعد الكيمياء كله فى مركز واحد عندى
حدد بالظبط موقع جلوسك فى الفصل ؟اياك حد كده يقول انى بقعد فى اخر تخته هياخد صفر"التختة الأولى"
ما هى احب المراحل الدراسية الى نفسك ؟طبعاً محدش هيقول الثانوية العامة الكل هيقول ابتدائى او اعدادى"الثانوية العامة طبعا"
ما هو ابرز عقاب مر عليك طوال فترة الدراسة وبأى سنة ؟فى تالتة اعدادى مدرس ضربنى وأغمى على فى الفصل
هل حصلت على شهادات تميز خاصة وبأى سنة ؟فى سنين كتيرة من أول الاعدادية للوقتى
سنة دراسية تعد هى الاجمل فى حياتك ؟محدش يقولى الحضانة .. هااا .. مفهوم ولا اعيد الكلام تانى"تانية ثانوى"
موقف محرج حدث لك فى المدرسة ؟"مدرس سألنى سؤال وهو واثق انى مش هأعرف أجاوبه"
ياريت محدش يجيب سيرتى فى الاجابة ...هحول ورقته الى لجنة خاصة ( كده وكده يعنى )


السؤال الرابع
من موضوع المنتدى :
عضو تعلمت منه الكثير ؟كتير بصراحة كل موضوع بقرأه بأستفاد منه ما شاء الله عندنا أشخاص رائعة فى المنتدى
عضو لا تتمنى ان يغيب ابدا ؟اوعوا حد يجيب سيرتى "حضرتك طبعا وعضو بس هو غايب بقاله كتير"
عضو مشاغب ؟بلاش أحسن يزعل
عضو يعتبر مميز فى نظرك ؟رووووز مش قولت الموبايل يبقه مقفول ( بهزر يا روز )كده وكده قدام العيال يعنى "كتير يا مستر مش قادرة أحدد مين ولا مين"
عضو يثير اهتمامك ؟ميدو سوهاجى : انا شايفك بتتحرك شمال ويمين ..فى ايه .. مش وقت الاكل ده احنا فى امتحان"الأمير محمد ومستر أيمن ورووووز ومحمد حلمى و........"
عضو تعرفه خارج المنتدى ؟لأ مفيش حد
عضو تهديه باقة ورد ؟مجنونة الكيمياء اعتقد السؤال ده متعلق بالكيمياء ..ياريت تخبى ورقتك من زميلتك "نقاء الروح وحضرتك وميرا سعد وسمر سعد وكتييير"
عضو تحس انه مريض نفسيا ؟بلاش ده سؤال مش اجبارى يعنى معليهوش درجة "بلاش مش كده"
عضو تكونت لك علاقة معه عن طريق المنتدى ؟كل الناس اللى فى المنتدى بصراحة كلهم أصحابى
عضو اكتشفت مؤخرا انك لم تعامله باهتمام ؟بصراحة الأعضاء الجدد لأنى انشغلت مش عدت بأدخل كتييير فأنا بأعتزرلهم جدا
عضو ترى ان لديه امكانيات كبيرة ولم يقدمها حتى الان ؟ناس كتييير
عضو مفقود ؟دى برولى

انتهى الامتحان والله ولى التوفيق


وطبعاً فى نسبة 10% حضور والناس اللى بتزوغ دى وتروح منتديات تانية انا عارفهم بالواحد

أنتظرونا مع أول طالب


حلوة أنتظرونا دى
اللى عاوز يعرف النتيجة ميسألنيش ..يبقه يروح يجيبها من الكنترول

مع تمنياتى لكم بالنجاح المبهر ان شاء الله

يا رب مجبش ملحق فى حاجة أنا عملت اللى على وربنا يستر
موضوع رائع ومتميز كالمعتاد يا مستر
انا كنت سعيدة أوى فى الامتحان ده وأول مرة امتحن وأنا بالسعادة دى
عايزة النتيجة مليش دعوة والله هأعيط لو مأخدتش النتيجة
مع خالص احترامى وشكرى وتقديرى لحضرتك يا مستر