[احمد رضا]

و عليكم السلام و رحمه الله و بركاته

ازيك يا سادات عامل ايه

أحب اشكرك علي طرحك الموضوع الذي اصبح ظاهره منتشره في ايامنا الحاليه و خصوصا بين طالبه و طالبات الجامعات و فعلا زي ما انت بتقول ان بعد الناس علي الدين بيسبب عواقب وخيمه اقل ما فيها الجواز العرفي ده بس اللي زعلان عليه بجد الأهالي الغلابه اللي مش عارفين يحاوطوا علي بنتهم و الله الواحد لما بيشوف الحاجات دي بيكون هاين عليه يبكي علي الأب و الأم والأخ اللي يلاقي اخته او بنت عمه او بنته ماشيه غلط او متجوزه عرفي

و بعدين بقول للولد والله انت مش متضرر كتير بس عايز اقولك حاجة قال رسول الله - صلي الله عليه وسلم - يا بن آدم افعل ما تشاء فكما تدين تدان " صدق رسول الله - صلي الله عليه و سلم - و اكيد انت يعني عندك ام او اخت او بنت عم او بنت خال او أيا يكون عندك بس اقسملك بالله العظيم لازم يتعمل فيك و ساعتها هتحس بالوجع اللي حسه أهل البنت دي و يا عم هتقولي انا مش متجوز و مش عندي اخت و مش عندي ام و مقطوع مش شجره ناقص تقولي انك مش هتقف قدام الجبار اللي هيخلص منك كل حادجه فإنت لو كنت عملت كدا فأقل حاجة تتمناها من ربنا ان الكلام ده يتعمل في امك او اختك او بنت خالك او بنات عائلتك يعني عشان متوقفش قدام ربنا يوم القيامه و تتحاسب علي الجريمه اللي هيا زنا لان الجواز ده طبعا مش جواز إنما هوا تحايل لتحويل الزنا حلال


و عندك فرصه برده تتوب و تصلح غلطتك و تشوف انت هتتمني ايه لما تعرف ان اختك او امك حصلهم كدا و ربنا غفور و ربنا يهديك

و لو مكنتش عملت كدا يبقي تشوف كلامي و تقرر انت ممكن تعمله ولا لاء




أما بالنسبه للبنت بقه شوفي يا اللي بتعملي كدا او قررتي انك تعملي كدا

ابوكي و امك و اخوكي و اهلك بصفه عامه خايفين عليكي اد ايه و نفسهم يحطوكي في باترينه كدا لحد ما يجي جوزك ياخدك تروحي انتي و ترمي شرفهم تحت رجلين حيوان حقير بيضحك عليكي وأسألك ليه تقوليلي بحبه

طيب هسألك سؤال

تتخيلي انتي ان واحد سلمتيله نفسك هيثق فيكي بعد كدا و اقسم بالله ابدا لو عملتي ايه بالذي اتقي الله وصوني شرفك و صوني شرف اهلك كدا و فكري هيبقي ايه موقفهم لما يعرفوا و هيبقي ايه موقف اللي هيجي و يتقدملك



معلش يا سادات بس انا كان نفسي اتكلم في الموضوع ده من زمان معلش انا عارف ان الرد اكبر من الموضوع نفسه بس معلش متزعلش مني

تسلم ايدك علي التوبيك الجميل يا باشا

تقبل فائق احترامي و تقديري