[اميمة طه]

والله انا ليا راى فى الموضوع ده مش فعلا كل المتعاقدين لهم حق التعيين حتى ولو قعد 100 سنة فى التدريس وكمان القدام كمان يا جماعة احنا بنبص للتثبيت كانه حق مكتسب بس والله ده حق مبنى على باطل احنا محتاجين منبقاش فى بطالة بس وهو ده اللى مخلينا صابرين على الشغلانة دى مليانة تعب والعيال مبتستجبش وشد اعصاب على الفاضى انا رايئ اننا متواكلين ونستاهل اللى بيحصل ده فى حد عاقل يجرى فى الزمن ده وراء الميرى ما هو انت لو كنت متاهل لسوق العمل الصح مكنتش جريت ورا شغلانة ب 337 جنيه فى الوقت اللى كيلو اللحمة فيه ب 58 جنيه فالحمد لله على كده وانا شايفة ان التعليم مش هينصلح حاله فعلا غير لما يكون القائمين عليه بيرضوا نفسهم الاول ويكونوا مقتنعين انهم فعلا احسن من اى مهنة تانية يا جماعة انا وانا باقدم فى الاكاديمية وقفت قدامى بنت لو اقولكم على سوء اسلوبها متصدقش انها مدرسة والله المفروض المدرسين دول يتعملهم مقابلات شخصية دى حتى محصلتش واحد واقف يبيع فة القطار ............ اكيد كلامى معجبش ناس كتير بس ده رايئ .