[جارةالوادى]

المشاركة الأصلية كتبت بواسطة اميمة طه

انا مش هارد غير على جزء واحد يعنى ايه المعلم لازم يحترم فى وضعه المالى والاجتماعى ؟
يا جماعة احنا اللى بنخلق الاحترام ده . وبعدين لو عملوا المرتب الفين والله اللى فيه حاجة هتفضل فيه قولى مثلا الدكتور بيصرف قد ايه على شكله ومظهره وعربيته والله انا اعرف ناس دكاترة جايبين عربيات بالاقساط عشان المظهر الاجتماعى غير طبعا المدرسين اللى اهم حاجة يجمع فلوس ومبهدل فى نفسه ومظهره الا قلة قليلة جدا جدا جدا مدرس دلوقتى وامبارح بخيل على نفسه فى التعليم والتثقيف والدورات والارتفاع بالذات يكفى حضرتك انى لما باتكلم عن كورسات قدام بعض المتعاقدين والقدامى مبالقاش حد فاهم حاجة ازاى ده انا ماتمناش افضل مدرسة . لما كنت باقدم السى فى بتاعى طبعا دبلومات وماجستير وكورسات كمبيوتر وشايفة نفسى مقصرة امال اللى قدم السى فى فيه اسمه وعنوانه بقه يعمل ايه.
فى حكمة بتقول : اذا اردت ان تحلق فحلق مع النسور ولا تضع وقتك مع الدجاج ............ يا ريت تكونوا فهمتونى

ماشاء الله عليكى بجد شكلك عايزة تحلقى مع النسور هو حضرتك ماشاء الله كلامك صح وجميل ومنطقى بس فيه حتة تعالى شوية معلش يعنى متزعليش مش اتهام ومش عيب ان الواحد يكون حاسس بنفسه متنسيش ان برضو المرتبات المتدنية جدا هى اللى عملت كدة فى المعلم طول عمره محطوط فى خانة الموظف المطحون ولما جه يبقى له كادر طلعو بيكدروه وزيادات لاتتناسب ابدا مع المعيشة هى نظرة مجتمعية وحكومية فى الاساس بدليل انه لما بيلاقى التدريب بيتدرب وبيتفوق وناس كتير جدا انا انتى اكيد نعرفهم معاهم شهادات كمبيوتر وانتل ودورات وممكن كمان يكونو مدربين
ياريت نكون واقعيين شوية ونحكم على الموضوع من كل الجوانب مش من زاويتنا احنا بس ومتنسيش برضو انك بنت يعنى معندكيش نفس المسئوليات المادية اللى على المعلم الرجل فده يمكن فاتح لك المجال انك تقدرى تعملى حاجات كتير ربنا يوفقك
على فكرة انا الحمد لله كمان معايا حاجات كتير وشهادات ودبلومات وتقديرات والاهم من كدة شغلى فى الفصل اللى يشهد عليا بس محبش اقول يعنى كفاية اوى الاسلوب والشغل يتكلم عنى مش شايفة انى فى حاجة انى اتكلم عن نفسى