اقتباس:
المشاركة الأصلية كتبت بواسطة aliweeka1
فيه مقولة مشهورة في الشرطة حينما تواجه جريمة غامضة والمقولة هي
( فتش عن المرأة ) وفعلاً بتوصلهم في كثير من الأحيان لحل لغز الجريمة .
ياعيني الستات مظلوميين حتي في الجرائم وأنا من رأيي أننا يجب أن نطلق علي كل انحلال أخلاقي للأبناء أو استهتار
أو لامبالاة منهم مقولة : ( فتش عن الأهل ) !!!
أحياناً يا تسابيح الأهل بتوعي أولادها بشأن هذه الأمور , ولكن الأولاد نفسهم
بيكونوا مستهترين !!
دول أطفال فأكيد لازم التوعية تكون مستمرة
التنشئة حتي ان لا يابنتي مش تروحي مع اي واحد مهما كان
كل الحاجات دي لازم هم يتربوا عليها وفي الغالب فإن الأهل لا تقوم بالتوعية الكافية وتظن بأن هذا الأمر بعيد عن
أولادهم , وبصراحة فيه أهل مستهترة أكتر من العيال !!!!
أقولك رد خايب ساعات بسمعه من بعض الناس : ( والعيال كانت لابسه دهب ليه ؟
خلي أهلهم يشربوا بقي !! )
دا الحلق دا اظن ان البنت بتلبسه من اول لما تتولد ...كل الناس بتعمل كداا
بس انا حتي ساعات بفكر في ان بلد الحلق ممكن يودي للمريخ كددا
بلاش منه أحسن وبالذات للأطفال ....دا حتي المتجوزيين بيتقال لهم
بلاش تلبسي دهبك كله الا وانت خارجة مع جوزك ....او الدبلة وبس ...
دا كله لان السرق في كل المستويات وع كل الناس وع الكبار والصغار
وستات بتبقي ماشية وبالذات في السوق شر بقاع الأرض
وخاتم يتسرق منها وفلوس !! هي دي ثقافة الشعب المصري , مش في المقولة دي .... لا في الحدوتة كلها !!!!
|
في يوم كان سوق وكنت عند جدي تقريبا الساعة 1 الظهر ولقيت بنت صغيرة كانت واقفة ع الباب وبتسأل ع زوجة خالي ولما زوجة خالي نزلت عرفت منها انها قريبتهم ومش من المنطقة دي
وجدتي جت وسألتها ع اسمها وايه اللي جابها المنطقة دي !!لانها بالنسبة ليبتهم بعيداا فعلا
قالت عمي مختار صاحب بابا المهم جدتي بتبص في ودنها وسالتها كنت لابسة حلق ولالا
قالت اه وعمي مختار حطوا في الشنطة وطبعا قبل ما نفتح الشنطة كنا عارفيين ان البنت اتسرقت !!ومفيش حد اسمه مختار اما طريقة السرقة كانت نفس اللي فوق
بس بدل لما يسيبك في ارض زراعية جابها عند الجامع !!
الحكاية دي حصلت 12-5-2010 ...هي هي نفس الحكاية اللي انا قلتها وكانت من 7 او 8 سنيين حتي .....يعني المواقف دي معروفة ومشهورة ومع ذلك مفيش حد او نقول المعظم مش بيحب يدخل نفسه في مشاكل ويبلغ الشرطة وبكدا الحرامي اللي بيقوم بنفس الطريقة كل مرة يستولي ع ضحية مختلفة .....او حتي يكون فيه توعية للأطفال
لانهم مش ليهم نذنب انهم يعيشوا في خوف بسبب واحد معندوش ادني ذمة ولا ضمير !!! وربنا اكيد مش هيسيبوا .