وعليكم السلام و رحمة الله وبركاته اكيد كلامك صح وجه ف وقته فعلا بس انا شايفة ان معظم الكلام دلوقتي المنتدى بايظ عايزين نصلحة ... الخ قولولنا على حاجة معينة نعملها
نقاش جاد ف مواضيع وناقشنا لحد ما اتهزانا مشاركات بمواضيع وشاركنا لقينا المواضيع دي اندثرت اصلا ف ص3 ولا 4 واللي يحتل الصدارة اللعب الغريبة دي اللي الصفحات فيها بتوصل للستين و التسعين احنا اكيد بنحب نلعب واحنا ف صيف واجازة بس موش بالمنظر دة
ويا ريت من الاعضاء اللي يعرف اي حد من الناس القديمة الحلوة دي يقولها ترجع تاني المنتدي واحنا نتحرق مادام احنا اللي بوظنا المنتدى وصدقوني يا جماعة والله المنتدى دة بحبه جدا ولقيت فيه المجتمع اللي ملقيتهوش بره ناس دماغها نضيفة بتناقش وتحاور وتعرف حاجات كتير وانا والله العظيم هاكون سعيدة جدا لو المنتدى اتصلح حتى لو اضطريت اني اشوفه من بعيد لبعيد
بس فيه حاجة تانية مضايقاني ظهرت ف المنتدى ويمكن مايشعرش بيها الا العضاء الحديثين اللي زيي وهي الاحزاب سبحان الله واحد بيدافع عن صاحبه ولا واحدة وصحبتها شتيمة يشتمو خناق يتخانقو منغير حتى ما يحاولو يعرفو مين اللي غلطان ولا حتى ايه سوء الفهم اللي حصل
وحاجة تانية ان الناس هنا مابقتش صدوقة كدة ومسالمة زي ما اشتركت ف المنتدى ف مايو اللي فات تقريبا تحس ان الناس محبطة بتجر شكلك موش فاهمة بالظبط
والله الموفق
|