[Golden Eagle]

المشاركة الأصلية كتبت بواسطة mr_zakaria

السلام عليكم ورحمة الله وبركاته

الزملاء الاعزاء .... اخواني واخواتي الطلبة ....

اعرفكم بنفسي انا ا / زكريا الشافعي اهلاوي وليس متعصب
أعرف حضرتك بنفسي مصطفي خالد أهلاوي متعصب
ارجو من كل زملكاوي شريف وضع تعليق عن ما قام به الاعب غير المسئول شيكابلا عقب مباراة المصري من سب لجماهير الاهلي في تصرف غير مسئول هذا الاعب الذي لو كان هناك لجنة انضباط اديها ضمير لحرم فريقه منه لنهاية الموسم وكذلك بالشكوي المقدمة من النادي المصري لخصم نقاط المباراة لتهربه من المنتخب سحرم الزمالك من نقاط المباراة ويضيع مجهود زملائه جميعااااااا بهذا التصرف المسئول ؟؟؟؟
ولدي سئوال ياريت زملكاوي منصف يجيبني من شيكابلا هذااااا بالتاريخ والانجازات
معكم انه من افضل المهارات في مصر حاليااااا ولكن العبرة بالعطاء وليس بالمهارة وحدهاااا
ارجو التعقيب من كل زملكاوي مخلص وشريف حتي ربما يطلع شيكابلا علي هذه التعليقات فيعيد حساباته لنفسه اولاااا ولناديه ولمنتخب بلده الذي حرم نفسه من شرف اللعب لمنتخب بلاده ...
ارجو التثبيت ؟؟؟؟

بص يا سيدي الفاضل
الرد اللي حضرتك عايزه مش هاتلاقيه هنا لسبب بسيط
إن كتير قوي من الناس هنا ( لو ما كانش كلهم ) بيبصوا للأنتماء قبل ما يقولوا الكلمة
يعني لما جمهور الزمالك شتم تريكة و رفع إيده ع بقه إتقال عليه دا قليل الأدب
لكن لما جمهور الأهلي شتمه هو ( الشخص اللي الموضوع عنه ) و هو رفع الجزمه إتقال دا خرج عن شعورة
و أكيد طالما طلعت من بقه غير صريحة ( يعني رمي بالكلام بس ) يبقي ماحدش هايعترف إنه غلط
لكن لو طلعت من بق حد تاني مش صريحة يبقي غلط و غلط و غلط ( يعني لو المعيار واحد أنا من حقي أقول شيكازبالا لأني كدا ما وجهتش سباب صريح لشخص و ع رأي المثل أحمد مش زي الحج أحمد )
لكن سيبك م اللي قاله لأن واحد ترعرع ف ظروفه دي أكيد لازم يعمل كدا ( ظروفه من الحالة المادية و التعليم )
مين اللي خلاه يعمل كدا ؟؟؟
لو جه شريف عبد الفضيل ف الأهلي و قال أنا عايز 24 مليون جنيه علشان أجدد الرد عليه هايكون كلمة واحدة " دا عبيط دا ولا إيه " دا شريف عبد الفضيل اللي بيلعب ف كل حته و واخد مع الأهلي بطولتين
ما بالك بواحد أخد بطولة واحدة مع الزمالك و كان إحتياطي الاحتياطي + شتم جمهورة + رمي فانلة فريقة ع الأرض + هرب من فريقة + أول كل موسم ليه شغلانه علشان التجديد و مارينا و حاجات كدا مش مهمة
مع كل دا
و ع الرغم من إنه ما جابش ولا بطولة لناديه بشكل فعال
طالب 24 مليون جنيه
الأدهي و الأمر إن في ناس بتقول إديله اللي هو عايزه
دا لاعيب مهاري



معلش علشان الذاكرة كدا
هو مش إبراهيم سعيد كان لعيب مهاري جدا ً و ليبرو ممتاز و بيلعب ف خط النص ؟؟؟
سلوكه خلاه يلف كعب داير ع كل حته و ف الآخر مش بيلعب
ما علينا
الحلويات بقي اللي بتطلع لما واحد يقولك زي أبو تريكة
هههههههههههههه
معلش
وجه الشبه الوحيد إن الاتنين بيعرفوا يلعبوا الكورة زي ما هما عايزينها جوا الملعب
لكن أبو تريكة جايب لمصر أمم أفريقيا ( بالمشاركة مع زيدان ف جون الكاميرون و زيدان ليه النصيب الأكبر ) + جايب للأهلي بطولة أفريقية ( بتاعت الصفاقسي و الناس هنا زعلت قوي ساعتها ) + لعب ف المنتخب لغاية ما جاله شرخ إجهادي و رجله إتجبست و من ساعتها و هو مش ف حالته ( أنا مش متخيل بصراحة إزاي واحد يفضل يلعب كورة لغاية ما رجله تتجبس )
الكابتن التاني بقي محصلته كام كعب و كام كوبري و كام لمه حلوة و يمكن كام هدف حلو لكن معاه قلة أدب + هروب من المنتخب + تعالي قوي قوي قوي ( أنا مش فاهم إزاي بعد ما كان من كام سنه هربان من الزمالك ليه عين يقول عايز 24 مليون ) + مشاكل كل أول موسم
ع فكرة الذنب مش ذنبه لوحده
الذنب برضو علي إدارات الزمالك
واحد كان بيعايره بفقره و يقول دا بيلبس جزمة إبني القديمة
و التاني بعده بيطبطب و يدلع و يدادي و يرش فلوس
خلاصة الكلام
الزمالكاوية ( مش كلهم طبعا ً) مش شايفين إنه غلط
مجلس إدارة الزمالك مش هايعاقبه
و الأهلي هاينفض لأنه مش هاينزل للمستوي دا
أما بالنسبة للاعب نفسه
حسام عاشور هايروقه بإذن الله زي ما روقه آخر مرة ف الكاس كدا